କୋଲକାତା: ଲୋକପ୍ରିୟ ବଙ୍ଗଳା ଅଭିନେତ୍ରୀ ସୋନାଲି ଚକ୍ରବର୍ତ୍ତୀଙ୍କ ୫୯ ବର୍ଷ ବୟସରେ ଆଜି କୋଲକାତାର ଏକ ଘରୋଇ ହସ୍ପିଟାଲରେ ପରଲୋକ ହୋଇଛି। ଦୀର୍ଘ ଦିନ ଧରି ସେ କିଡ଼୍‌ନୀଜନିତ ରୋଗରେ ପୀଡିତ ଥିଲେ ଏବଂ ମାସ ମାସ ଧରି ଡାକ୍ତରଖାନାରେ ଚିକିତ୍ସିତ ହେଉଥିଲେ। ମୃତ୍ୟୁଶଯ୍ୟା ନିକଟରେ ସୋନାଲିଙ୍କ ସ୍ବାମୀ ବିଶିଷ୍ଟ ବଙ୍ଗୀୟ ଅଭିନେତା ଶଙ୍କର ଚକ୍ରବର୍ତ୍ତୀ ଏବଂ ଝିଅ ଉପସ୍ଥିତ ଥିଲେ। କେଓରତାଲା ଶ୍ମଶାନ ଘାଟରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି। ସୋନାଲି ତରୁଣ ମଜୁମଦାରଙ୍କ ‘ଦାଦର କୀର୍ତ୍ତି’, ରଚନା ବାନାର୍ଜୀଙ୍କ ‘ହାର୍‌ ଜିତ୍‌’ ଏବଂ ‘ବନ୍ଧନ’ ଭଳି ଚଳଚ୍ଚିତ୍ରରେ ଅଭିନୟ କରି ଲୋକପ୍ରିୟ ହୋଇଥିଲେ। ମୁଖ୍ୟମନ୍ତ୍ରୀ ମମତା ବାନାର୍ଜୀ ସୋନାଲିଙ୍କ ଦେହାନ୍ତରେ ଦୁଃଖ ପ୍ରକାଶ କରି ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି।