ବେଙ୍ଗାଲୁରୁ ଗଣଦୁଷ୍କର୍ମ: ୩ ଅଭିଯୁକ୍ତଙ୍କୁ ବାନ୍ଧିଲା ପୁଲିସ୍‌

ବେଙ୍ଗାଲୁରୁ: ବେଙ୍ଗାଲୁରୁର କୋରାମଙ୍ଗଲା ଅଞ୍ଚଳରେ ଜଣେ ମହିଳାଙ୍କୁ ଚାରି ଜଣ ପୁରୁଷ ମିଶି ଗଣଦୁଷ୍କର୍ମ କରିଥିବା ଅଭିଯୋଗ ହୋଇଥିଲା। ଗୁରୁବାର ରାତି ଏବଂ ଶୁକ୍ରବାର ସକାଳ ମଧ୍ୟଭାଗରେ ଏକ ହୋଟେଲ ଟେରାସରେ ଏହି ଅପରାଧ ଘଟିଥିଲା। ତେବେ ଉକ୍ତ ଅଭିଯୋଗକୁ ଭିତ୍ତି କରି କୋରାମଙ୍ଗଲା ପୁଲିସ ପଶ୍ଚିମବଙ୍ଗ ଏବଂ ଉତ୍ତରାଖଣ୍ଡରୁ ଅଜିତ, ବିଶ୍ୱାସ ଏବଂ ଶିବୁ ନାମକ ତିନି ଜଣ ସନ୍ଦିଗ୍ଧଙ୍କୁ ଗିରଫ କରିଛି। ସେମାନଙ୍କ ମଧ୍ୟରୁ ଜଣେ ଅଭିଯୁକ୍ତ ଫେରାର୍‌ ଅଛନ୍ତି। 

ପୁଲିସ କହିଛି ଯେ ନିଖୋଜ ଥିବା ଅଭିଯୁକ୍ତଙ୍କୁ ଖୋଜା ଚାଲିଛି। ଏହା ସହିତ ଯିଏ ଗଣଦୁଷ୍କର୍ମ ଅଭିଯୋଗ ଆଣିଥିଲେ ତାଙ୍କୁ ବି ମଧ୍ୟ ଖୋଜା ଚାଲିଛି। 

ପୁଲିସ ଡେପୁଟି କମିସନର (ଦକ୍ଷିଣ-ପୂର୍ବ) ସାରା ଫାତିମା କହିଛନ୍ତି ଯେ ପୁଲିସ ଶୁକ୍ରବାର ସକାଳ ପ୍ରାୟ ୭.୩୦-୮ଟାରେ ସୂଚନା ପାଇବା ପରେ ଅଭିଯୁକ୍ତମାନଙ୍କୁ ଗିରଫ କରିଛି ଘଟଣାରେ ଚାରି ଜଣ ଲୋକ ସମ୍ପୃକ୍ତ ଥିବା ସୂଚନା ରହିଛି। ପୀଡିତାଙ୍କ ପାଇଁ ଆବଶ୍ୟକୀୟ ପ୍ରକ୍ରିୟା, ଡାକ୍ତରୀ ପରୀକ୍ଷା ଏବଂ ଅନ୍ୟାନ୍ୟ ପ୍ରକ୍ରିୟା ମଧ୍ୟ କରାଯାଇଛି।

"ଘଟଣାଟି ସକାଳେ ଘଟିଥିଲା, ଏବଂ ଆମେ ତଦନ୍ତ ସମୟରେ ଅଧିକ ବିବରଣୀ ଜାଣିବୁ। ପ୍ରାଥମିକ ତଦନ୍ତରୁ ଜଣାପଡିଛି ଯେ ସେ ଜଣେ ବନ୍ଧୁଙ୍କୁ ଭେଟିବାକୁ ଯାଇଥିଲେ," ଅଧିକାରୀ କହିଛନ୍ତି।