ନୂଆଦିଲ୍ଲୀ: ସ୍ବାମୀ ବିଲେଇକୁ ଅଧିକ ଭଲ ପାଉଥିବାରୁ କର୍ଣ୍ଣାଟକ ହାଇକୋର୍ଟରେ ସ୍ତ୍ରୀ ମାମଲା ରୁଜୁ କରିଥିବାର ଏକ ଘଟଣା ସାମ୍ନାକୁ ଆସିଛି। 

Advertisment

ବେଙ୍ଗାଲୁରୁରେ ବସବାସ କରୁଥିବା ମହିଳା ସ୍ବାମୀଙ୍କ ବିରୋଧରେ ଅଭିଯୋଗ ଆଣି କହିଛନ୍ତି, ‘ମୋ ସ୍ବାମୀ ଏକ ବିଲେଇ ପୋଷିଛନ୍ତି। ସେ ମୋ ଅପେକ୍ଷା ଅଧିକମାତ୍ରାରେ ବିଲେଇକୁ ଭଲ ପାଆନ୍ତି, ଯତ୍ନ କରନ୍ତି ସ୍ନେହ ବି କରନ୍ତି। ସମୟସମୟରେ ତାକୁ ବାହାରକୁ ବୁଲେଇବାକୁ ନିଅନ୍ତି। କିନ୍ତୁ ମୋ ପ୍ରତି ସ୍ବାମୀ ସେତିକି ଟାଇମ ଦିଅନ୍ତି ନାହିଁ।

ଯେଉଁ କାରଣରୁ ଘରେ ସର୍ବଦା କଳିଝଗଡ଼ା ଲାଗି ରହିଥାଏ। ଏମିତି କି ଉକ୍ତ ବିଲେଇ ମୋ ଉପରକୁ ଅନେକ ସମୟରେ ଆକ୍ରମଣ କରି ଆଘାତ ପହଞ୍ଚାଇଛି। ମୁଁ ଏସବୁ ସ୍ବାମୀଙ୍କୁ ଜଣାଇବାରୁ ସେ ଅଣଦେଖା କରି କହନ୍ତି ମେଡିସିନ ଖାଇଲେ ଇନଜେକସନ ନେଇଗଲେ ଠିକ ହୋଇଯିବ।’

ମହିଳାଙ୍କ ଏହି ଅଭିଯୋଗକୁ କେନ୍ଦ୍ର କରି ଭାରତୀୟ ଦଣ୍ଡବିଧି ଆଇନ ଅନୁଯାୟୀ ଧାରା ୪୯୮ଏରେ ମାମଲା ରୁଜୁ କରାଯାଇଛି। ଏହି ମାମଲା କର୍ଣ୍ଣାଟକ ହାଇକୋର୍ଟରେ ପହଞ୍ଚିଥିଲା। ମାମଲାର ଶୁଣାଣି କରି କୋର୍ଟ ମହିଳାଙ୍କ ସ୍ବାମୀ ବିରୋଧରେ ରୁଜୁ ହୋଇଥିବା ମାମଲାକୁ ଅସ୍ଥାୟୀ ଭାବେ ଅଟକାଇ ଦେଇଛନ୍ତି। 
ଏହି ମାମଲାର ଶୁଣାଣି କରାଗଲେ ଆଇନ ପ୍ରକ୍ରିୟାର ଭୁଲ ଦିଗରେ ବ୍ୟବହାର ହେବ ବୋଲି କୁହାଯାଉଛି।