ଭାରତର ଏହି ତିନି ଗାଁକୁ ମିଳିଲା ଅନ୍ତର୍ଜାତୀୟ ମାନ୍ୟତା, ଜାଣନ୍ତୁ କାହିଁକି
ନୂଆଦିଲ୍ଲୀ: ଗାଁର ସୁନ୍ଦରତା ଓ ଅନୁଭୂତି, ଯିଏ ରହିଛି ସିଏ ଜାଣିଛି | ପ୍ରତ୍ୟେକଙ୍କୁ ନିଜ ଗାଁ ସବୁଠାରୁ ସୁନ୍ଦର ଲାଗେ | ତେବେ ଭାରତର ସବୁଠାରୁ ସୁନ୍ଦର ଗାଁ ବାବଦରେ ଆପଣ ଜାଣିଛନ୍ତି କି ? ଆଜି ଆମେ ଆପଣଙ୍କୁ ଭାରତର ତିନିଟି ସୁନ୍ଦର ଗାଁ ବାବଦରେ କହିବୁ ଯାହାକି ଅନ୍ତର୍ଜାତୀୟ ପୁରସ୍କାର ପାଇଁ ମନୋନୀତ ହୋଇଛି | ବାସ୍ତବରେ ୟୁନାଇଟେଡ଼ ନେସନସ ୱାର୍ଲଡ ଟୁରିଜିମ ଅର୍ଗାଇନାଇଜେସନ ଆୱାର୍ଡରେ ଭାରତର ତିନିଟି ଗାଁକୁ ନୋମିନେଟ କରାଯାଇଛି |
Sambad is now on WhatsApp
Join and get latest news updates delivered to you via WhatsApp
ଏହି ତିନିଟି ଗାଁକୁ ବିଦେଶୀ ପର୍ଯ୍ୟଟକ ବୁଲିବାକୁ ଯାଇପାରିବେ ଓ ପର୍ଯ୍ୟଟନର ମଜା ନେଇପାରିବେ ବୋଲି କୁହାଯାଇଛି | ଏହି ତିନିଟି ଗାଁର ନାମ ହେଉଛି ପୋଚମ୍ପଲଲି(ତେଲେଙ୍ଗାନା), କୋଙ୍ଗଥଙ୍ଗ(ମେଘାଳୟ) ଓ ଲାଧପୁରା(ମଧ୍ୟପ୍ରଦେଶ) | ମଧ୍ୟପ୍ରଦେଶର ଲାଧପୁରାକୁ ଚୟନ କରାଯିବା ପରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଟ୍ୱିଟରରେ ଲେଖିଛନ୍ତି ଯେ ଏହା ଆମ ପାଇଁ ଗର୍ବର ବିଷୟ।
#Meghalaya‘s whistling village Kongthong is selected for entry to the @UNWTO ‘Best Tourism Village’ along with 2 other villages in the country.@kishanreddybjp @tourismgoi @meghtourism
— Conrad Sangma (@SangmaConrad) September 8, 2021
ସେହିପରି ମେଘାଳୟ ମୁଖ୍ୟମନ୍ତ୍ରୀ କୋନରାଡ଼ ସାଙ୍ଗମା ଟ୍ୱିଟ କରି ଲେଖିଛନ୍ତି ଯେ ମେଘାଳୟର କୋଙ୍ଗଥଙ୍ଗ ଗାଁ ୟୁଏନଡବ୍ଲ୍ୟୁଟିଓ(ୟୁନାଇଟେଡ଼ ନେସନସ ୱାର୍ଲଡ ଟୁରିଜିମ ଅର୍ଗାଇନାଇଜେସନ)ର ତାଲିକାରେ ସାମିଲ ହୋଇଛି, ଯାହାକୁ ନେଇ ରାଜ୍ୟବାସୀ ଖୁସି ଅଛନ୍ତି |