୮୬ ବର୍ଷ ବୟସରେ ବି ବିମାନରେ ଯାତ୍ରୀଙ୍କ ଭଲମନ୍ଦ ବୁଝନ୍ତି ଏହି ଏୟାରହୋଷ୍ଟେସ

କାଲିଫର୍ଣ୍ଣିଆ: ଦୁନିଆର ଅନେକ ଲୋକ ସେମାନଙ୍କର କାମକୁ ବହୁତ ଭଲ ପାଆନ୍ତି | ସେହିପରି ବହୁତ ଲୋକ ଅଛନ୍ତି ଯେଉଁମାନେ କେବଳ ବାଧ୍ୟତାମୂଳକ ଭାବରେ ସେମାନଙ୍କର କାର୍ଯ୍ୟ କରନ୍ତି | ସେମାନେ ସେମାନଙ୍କର କାର୍ଯ୍ୟକୁ ଭଲ ପାଆନ୍ତି ନାହିଁ | ସେମାନେ କେବଳ ଟଙ୍କା ପାଇଁ କାମ କରନ୍ତି | କିନ୍ତୁ ଯେତେବେଳେ ଜଣେ କାମକୁ ଭଲ ପାଏ, ତାଙ୍କୁ ଚାକିରି ଏକ ବୋଝ ଭଳି ଅନୁଭବ ହୁଏ | ଏହିପରି ନିଜର ଚାକିରିକୁ ଭଲ ପାଉଥିବା ଜଣେ ଏୟାରହୋଷ୍ଟେସଙ୍କ ବାବଦରେ ଆମେ ଆଜି ଆପଣଙ୍କୁ କହିବୁ, ଯିଏ କି ୮୬ ବର୍ଷ ବୟସରେ ବି କାର୍ଯ୍ୟ କରୁଛନ୍ତି | ଆଉ ସେଥିପାଇଁ ସେ ଏବେ ବିଶ୍ୱ ରେକର୍ଡ କରିଛନ୍ତି | ବୃତ୍ତିରେ ଜଣେ ଏୟାରହୋଷ୍ଟେସ ଭାବେ କାମ କରୁଥିବା ବେଟେ ନାଶ ଦୁନିଆର ସର୍ବ ପୁରାତନ ଏୟାର ହୋଷ୍ଟେସ୍ ଭାବେ ଜଣାଶୁଣା |

ଏହି ସପ୍ତାହରେ ଗିନିଜ ବୁକ୍ ଅଫ୍ ୱାର୍ଲ୍ଡ ରେକର୍ଡରେ ତାଙ୍କ ନାମ ସାମିଲ କରାଯାଇଥିଲା। ସେ ଦୀର୍ଘ ଦିନ ଧରି ଆମେରିକୀୟ ଏୟାରଲାଇନ୍ସ ସହିତ ଜଡିତ ଅଛନ୍ତି । ବର୍ତ୍ତମାନ ପର୍ଯ୍ୟନ୍ତ ସେ ନିଜ ଜୀବନର ୬୫ ବର୍ଷ ଏୟାର ହୋଷ୍ଟେସ୍ ଭାବରେ ଅତିବାହିତ କରିଛନ୍ତି | ଆଉ ଏହା ସହ ସେ ଏକ ବିଶ୍ୱ ରେକର୍ଡ ସୃଷ୍ଟି କରିଛନ୍ତି । ଯେଉଁ ବୟସରେ ସେ ବିଶ୍ରାମ ନେବା କଥା ସେହି ବୟସରେ ବିମାନରେ ଯାତ୍ରୀଙ୍କ ଭଲ ମନ୍ଦ ସେ ବୁଝିଥାନ୍ତି |

photo-newyork post

ସେ ୧୯୫୭ ମସିହାରେ ଏୟାରହୋଷ୍ଟେସ୍ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ | ସୂଚନା ଥାଉ କି ଏୟାରଲାଇନ୍ସ ବେଟେଙ୍କୁ ନିଜ ପସନ୍ଦର ବିମାନ ମାର୍ଗ ବାଛିବା ପାଇଁ ସ୍ୱାଧୀନତା ଦେଇଥାଏ। କିନ୍ତୁ ସେ ସବୁବେଳେ ନ୍ୟୁୟର୍କ-ବୋଷ୍ଟନ୍-ୱାଶିଂଟନ୍ ଡିସି ମାର୍ଗ ବାଛନ୍ତି | ଏହା ପଛର କାରଣ ହେଉଛି ତାଙ୍କ ପୁଅ | ଏହି ମାର୍ଗ ଦେଇ ଯିବାବେଳେ ସେ ପ୍ରତିଦିନ ରାତିରେ ତାଙ୍କ ଘରକୁ ଯାଇପାରନ୍ତି ଯେଉଁଠାରେ ପୁଅ ତାଙ୍କୁ ଅପେକ୍ଷା କରିଥାଏ |