କାଲିଫର୍ଣ୍ଣିଆ: ଦୁନିଆର ଅନେକ ଲୋକ ସେମାନଙ୍କର କାମକୁ ବହୁତ ଭଲ ପାଆନ୍ତି | ସେହିପରି ବହୁତ ଲୋକ ଅଛନ୍ତି ଯେଉଁମାନେ କେବଳ ବାଧ୍ୟତାମୂଳକ ଭାବରେ ସେମାନଙ୍କର କାର୍ଯ୍ୟ କରନ୍ତି | ସେମାନେ ସେମାନଙ୍କର କାର୍ଯ୍ୟକୁ ଭଲ ପାଆନ୍ତି ନାହିଁ | ସେମାନେ କେବଳ ଟଙ୍କା ପାଇଁ କାମ କରନ୍ତି | କିନ୍ତୁ ଯେତେବେଳେ ଜଣେ କାମକୁ ଭଲ ପାଏ, ତାଙ୍କୁ ଚାକିରି ଏକ ବୋଝ ଭଳି ଅନୁଭବ ହୁଏ | ଏହିପରି ନିଜର ଚାକିରିକୁ ଭଲ ପାଉଥିବା ଜଣେ ଏୟାରହୋଷ୍ଟେସଙ୍କ ବାବଦରେ ଆମେ ଆଜି ଆପଣଙ୍କୁ କହିବୁ, ଯିଏ କି ୮୬ ବର୍ଷ ବୟସରେ ବି କାର୍ଯ୍ୟ କରୁଛନ୍ତି | ଆଉ ସେଥିପାଇଁ ସେ ଏବେ ବିଶ୍ୱ ରେକର୍ଡ କରିଛନ୍ତି | ବୃତ୍ତିରେ ଜଣେ ଏୟାରହୋଷ୍ଟେସ ଭାବେ କାମ କରୁଥିବା ବେଟେ ନାଶ ଦୁନିଆର ସର୍ବ ପୁରାତନ ଏୟାର ହୋଷ୍ଟେସ୍ ଭାବେ ଜଣାଶୁଣା |
Sambad is now on WhatsApp
Join and get latest news updates delivered to you via WhatsApp
ଏହି ସପ୍ତାହରେ ଗିନିଜ ବୁକ୍ ଅଫ୍ ୱାର୍ଲ୍ଡ ରେକର୍ଡରେ ତାଙ୍କ ନାମ ସାମିଲ କରାଯାଇଥିଲା। ସେ ଦୀର୍ଘ ଦିନ ଧରି ଆମେରିକୀୟ ଏୟାରଲାଇନ୍ସ ସହିତ ଜଡିତ ଅଛନ୍ତି । ବର୍ତ୍ତମାନ ପର୍ଯ୍ୟନ୍ତ ସେ ନିଜ ଜୀବନର ୬୫ ବର୍ଷ ଏୟାର ହୋଷ୍ଟେସ୍ ଭାବରେ ଅତିବାହିତ କରିଛନ୍ତି | ଆଉ ଏହା ସହ ସେ ଏକ ବିଶ୍ୱ ରେକର୍ଡ ସୃଷ୍ଟି କରିଛନ୍ତି । ଯେଉଁ ବୟସରେ ସେ ବିଶ୍ରାମ ନେବା କଥା ସେହି ବୟସରେ ବିମାନରେ ଯାତ୍ରୀଙ୍କ ଭଲ ମନ୍ଦ ସେ ବୁଝିଥାନ୍ତି |
ସେ ୧୯୫୭ ମସିହାରେ ଏୟାରହୋଷ୍ଟେସ୍ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ | ସୂଚନା ଥାଉ କି ଏୟାରଲାଇନ୍ସ ବେଟେଙ୍କୁ ନିଜ ପସନ୍ଦର ବିମାନ ମାର୍ଗ ବାଛିବା ପାଇଁ ସ୍ୱାଧୀନତା ଦେଇଥାଏ। କିନ୍ତୁ ସେ ସବୁବେଳେ ନ୍ୟୁୟର୍କ-ବୋଷ୍ଟନ୍-ୱାଶିଂଟନ୍ ଡିସି ମାର୍ଗ ବାଛନ୍ତି | ଏହା ପଛର କାରଣ ହେଉଛି ତାଙ୍କ ପୁଅ | ଏହି ମାର୍ଗ ଦେଇ ଯିବାବେଳେ ସେ ପ୍ରତିଦିନ ରାତିରେ ତାଙ୍କ ଘରକୁ ଯାଇପାରନ୍ତି ଯେଉଁଠାରେ ପୁଅ ତାଙ୍କୁ ଅପେକ୍ଷା କରିଥାଏ |