ଭୋପାଳ: କଂଗ୍ରେସ ନେତା ରାହୁଲ ଗାନ୍ଧିଙ୍କ ଭାରତ ଯୋଡ଼ୋ ଯାତ୍ରା ଏବେ ମଧ୍ୟପ୍ରଦେଶରେ ଚାଲିଛି। ଫିଲ୍ମ ଅଭି‌ନେତ୍ରୀ ସ୍ବରା ଭାସ୍କର ଗୁରୁବାର ଉଜ୍ଜୟିନୀରେ ଏହି ପଦଯାତ୍ରାରେ ରାହୁଲଙ୍କ ସହ ସାମିଲ ହୋଇ ତାଙ୍କୁ ଗୋଲାପ ଦେଇଛନ୍ତି। ଦଳ ପକ୍ଷରୁ ଆଜି ରାହୁଲ ଏବଂ ସ୍ବରା ଏକସଂଗରେ ଚାଲୁଥିବା ଫଟୋ ସେୟାର କରାଯାଇଛି। ଏନ୍‌ଡିଏ ସରକାର ବିରୋଧରେ ବିଭିନ୍ନ ସମୟରେ କଡ଼ା ମନ୍ତବ୍ୟ ଦେଉଥିବା ସ୍ବରା ସୋସିଆଲ ମିଡିଆରେ ମଧ୍ୟ ବେଶ୍‌ ସକ୍ରିୟ ଅଛନ୍ତି। ରାହୁଲ ଗାନ୍ଧିଙ୍କ ଏହି ଯାତ୍ରା ଆଗାମୀ ୧୨ ଦିନ ମଧ୍ୟରେ ରାଜ୍ୟର ବ୍ୟାପକ ଅଞ୍ଚଳ ଅତିକ୍ରମ କରିବ। ବିଜେପି ଶାସିତ ମଧ୍ୟପ୍ରଦେଶରେ ଅସନ୍ତା ବର୍ଷ ବିଧାନସଭା ନିର୍ବାଚନ ହେବାକୁ ଥିବା ବେଳେ ରାଜ୍ୟରେ ଯାତ୍ରାକୁ ଅଧିକ ଫୋକସ୍‌ କରାଯାଉଛି।