୩୬କୋଟିର ମାଲିକ ହେବା ସହ ବିଭିନ୍ନ ସହରରେ ରହିଛି ୧୧ଟି ଘର, ତଥାପି ଋଣରେ ବୁଡ଼ିଛନ୍ତି ଅଭିନେତା

ମୁମ୍ବାଇ: ୩୬କୋଟିର ମାଲିକ ହୋଇ ଋଣରେ ବୁଡିରହିଛନ୍ତି ଭୋଜପୁରୀ ସିନେମାଠାରୁ ଆରମ୍ଭ କରି ବଲିଉଡ ଏବଂ ସାଉଥ ଫିଲ୍ମରେ ନିଜର ଦୃଢ ଅଭିନୟ ଦକ୍ଷତା ପ୍ରମାଣ କରିଥିବା ଅଭିନେତା | ସେ କେବଳ ଜଣେ ଅଭିନେତା ନୁହଁନ୍ତି ବରଂ ଜଣେ ରାଜନେତା ମଧ୍ୟ | ୧୧ଟି ଘର ସହ ୩୬କୋଟିର ମାଲିକ ହୋଇଥିଲେ ବି ତାଙ୍କ ନାମରେ କୋଟି କୋଟି ଟଙ୍କାର ଋଣ ରହିଥିବା ଜଣାପଡିଛି | ଏଠାରେ ଆମେ ଅଭିନେତା ରବି କିଶନଙ୍କ କଥା କହୁଛୁ |

ରବି କିଶନ ବଲିଉଡ ଫିଲ୍ମ ‘ପିତାମ୍ବର’ ରୁ ନିଜ ଅଭିନୟ ଜୀବନ ଆରମ୍ଭ କରିଥିଲେ। ଏହା ପରେ ସେ ‘ହେରା ଫେରି’, ‘କୁଦ୍ରତ’, ‘ଆର୍ମି’, ‘ତେରେ ନାମ’ ଭଳି ଅନେକ ହିଟ୍ ଚଳଚ୍ଚିତ୍ରର ଅଂଶ ହୋଇଥିଲେ। ହେଲେ ରବି କିଶନଙ୍କୁ ଭୋଜପୁରୀ ସିନେମାରେ ଲୋକପ୍ରିୟତା ମିଳିଥିଲା।

୨୦୧୪ରେ ରବି କିଶନ ରାଜନୀତିରେ ପ୍ରବେଶ କରି କଂଗ୍ରେସରେ ଯୋଗ ଦେଇଥିଲେ। ସେ କଂଗ୍ରେସ ଟିକେଟରେ ୟୁପିର ଜୌନପୁର ନିର୍ବାଚନମଣ୍ଡଳୀରୁ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିଥିଲେ | କିନ୍ତୁ ତାଙ୍କୁ ପରାଜୟର ସାମ୍ନା କରିବାକୁ ପଡିଥିଲା। ପରେ ରବି କିଶନ ୨୦୧୭ ରେ ବିଜେପିରେ ଯୋଗ ଦେଇଥିଲେ ଏବଂ ୨୦୧୯ରେ ଗୋରଖପୁରରୁ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିଥିଲେ। ଏଥର ସେ ୩ଲକ୍ଷରୁ ଅଧିକ ଭୋଟରେ ଜିତିଛନ୍ତି।

ଖବର ଅନୁଯାୟୀ, ଅଭିନେତା ସାଂସଦ ଭାବରେ ୧ଲକ୍ଷ ଟଙ୍କା ବେତନ ପାଆନ୍ତି ଏବଂ ସେ ତାଙ୍କର ପ୍ରତ୍ୟେକ ଫିଲ୍ମରୁ ୫୦ଲକ୍ଷ ଟଙ୍କା ପାରିଶ୍ରମିକ ଆଦାୟ କରନ୍ତି। ୩୬କୋଟିର ମାଲିକ ଥିବା ଅଭିନେତାଙ୍କର ବିଭିନ୍ନ ସହରରେ ଫ୍ଲାଟ ରହିଛି | ଏତେ ସବୁ ଥାଇ ବି ସେ ୧.୬୮କୋଟି ଟଙ୍କାର କରଜ କରିଥିବା ଜଣାପଡିଛି |