ମୁଁ ନଳା ସଫା କରିବାକୁ ସାଂସଦ ହୋଇ ନାହିଁ : ସାଧ୍ୱୀ ପ୍ରଜ୍ଞା
ଭୋପାଲ : ମଧ୍ୟପ୍ରଦେଶର ଭୋପାଳରୁ ବିଜେପି ସାଂସଦ ଥିବା ସାଧ୍ୱୀ ପ୍ରଜ୍ଞା ଠାକୁର ପ୍ରାର୍ଥୀ ହେବା ପରଠାରୁ ବିବାଦରେ ରହି ଆସିଛନ୍ତି । ମାଲେଗାଓଁ ବିସ୍ଫୋରଣ ହେଉ ବା ନିର୍ବାଚନ ପ୍ରଚାର ସମୟରେ ନଥୁରାମ ଗୋଡସେଙ୍କୁ ଦେଶଭକ୍ତ ବୋଲି କହିବା ହେଉ, ନିଜର ମନ୍ତବ୍ୟ ପାଇଁ ବିବାଦର ଶିକାର ହୋଇଥିଲେ ପ୍ରଜ୍ଞା ଠାକୁର । ଏବେ ସାଂସଦ ହେବା ପରେ ସେ ପୁଣି ଥରେ ବିବାଦୀୟ ମନ୍ତବ୍ୟ ଦେଇଛନ୍ତି । ମଧ୍ୟପ୍ରଦେଶର ଏକ ବୈଠକରେ ଯୋଗ ଦେଇ ମୁଁ ଆପଣଙ୍କ ଶୌଚାଳୟ ଓ ନଳା ସଫା କରିବାକୁ ସାଂସଦ ହୋଇ ନାହିଁ ବୋଲି କହିଛନ୍ତି । ଯାହାକୁ ନେଇ ବିବାଦ ଆରମ୍ଭ ହୋଇ ଯାଇଛି ।
Sambad is now on WhatsApp
Join and get latest news updates delivered to you via WhatsApp
#WATCH BJP MP from Bhopal, Pragya Thakur in Sehore: Hum naali saaf karwane ke liye nahi bane hain. Hum aapka shauchalaya saaf karne ke liye bilkul nahi banaye gaye hain. Hum jis kaam ke liye banaye gaye hain, vo kaam hum imaandaari se karenge. #MadhyaPradesh pic.twitter.com/VT4pcGKkYx
— ANI (@ANI) July 21, 2019
ସୂଚନା ମୁତାବକ, ଏକ କାର୍ଯ୍ୟକ୍ରମରେ ଯୋଗ ଦେବା ପାଇଁ ସିହୋରରେ ପହଞ୍ଚିଥିଲେ ପ୍ରଜ୍ଞା । ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଭିଡିଓରେ, ମୋତେ ଆପଣମାନଙ୍କ ନଳା ଓ ଶୌଚାଳୟ ସଫଳ କରିବା ପାଇଁ ସାଂସଦ କରାଯାଇ ନାହିଁ । ଯେଉଁ କାମ ପାଇଁ ମୋତେ ସାଂସଦ କରାଯାଇଛି, ମୁଁ ସେହି କାମ ଭଲ ଭାବରେ କରିବି ବୋଲି ପ୍ରଜ୍ଞା ଠାକୁର କହୁଥିବା ଦେଖା ଯାଇଛି । ତାଙ୍କର ଏଭଳି ଜବାବ ପରେ ଉପସ୍ଥିତ ଲୋକେ ତାଳି ମଧ୍ୟ ମାରୁଥିବା ଦେଖାଯାଇଛି ।