ପୋଷ୍ଟର ରାଜନୀତି : ପୁଣିଥରେ ରାମ ଅବତାରରେ ରାହୁଲ ଗାନ୍ଧୀ !
ଭୋପାଳ : ଜାତୀୟ ରାଜନୀତିରେ ଏବେ ଚାଲିଛି ପୋଷ୍ଟର ରାଜନୀତି । କେତେବେଳେ ପ୍ରିୟଙ୍କା ଗାନ୍ଧିଙ୍କୁ ଦେବୀ ଦୁର୍ଗାଙ୍କ ବେଶରେ ତ କେତେବେଳେ ରାହୁଲଙ୍କୁ କୃଷ୍ଣ ଭଗବାନଙ୍କ ରୂପରେ ଦେଖିବାକୁ ମିଳିଛି । ତେବେ ପୁଣିଥରେ ରାମ ଅବତାରରେ ଦେଖିବାକୁ ମିଳିଛି ରାହୁଲ ଗାନ୍ଧୀଙ୍କୁ । ପାଟନା ପରେ ଏବେ ମଧ୍ୟପ୍ରଦେଶର ରାଜଧାନୀ ଭୋପାଳରେ କଂଗ୍ରେସ ଅଧ୍ୟକ୍ଷଙ୍କ ରାମରୂପୀ ପୋଷ୍ଟର ଦେଖିବାକୁ ମିଳିଛି । ତେବେ ଏଥିରୁ ମଧ୍ୟ ବାଦ୍ ପଡ଼ିନାହାନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ପୋଷ୍ଟରରେ ପ୍ରଧାନମନ୍ତ୍ରୀ ମୋଦିଙ୍କୁ ରାବଣ ଭାବେ ଚିତ୍ରଣ କରାଯାଇଛି । ରାହୁଲ୍ ଗାନ୍ଧୀ ରାମ ମନ୍ଦିର ନିର୍ମାଣ କରିବେ ବୋଲି ଏହି ପୋଷ୍ଟରରେ ଦାବି କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ରାହୁଲ ଏହି ପୋଷ୍ଟରରେ ରାମଙ୍କ ଭଳି ଧନୁତୀର ଧାରଣ କରିଥିବା ବେଳେ ଦଶମୁଣ୍ଡିଆ ରାବଣର ରୂପରେ ଥିବା ମୋଦିଙ୍କ ଆଡ଼କୁ ରାହୁଲ୍ ଲକ୍ଷ୍ୟଭେଦ କରିବାକୁ ଉଦ୍ୟମ କରୁଛନ୍ତି । କେବଳ ଏତିକି ନୁହେଁ ପୋଷ୍ଟରରେ ବିଜେପି ଉଦ୍ଦେଶ୍ୟରେ ଲେଖାଯାଇଛି, ଚୌକିଦାର୍ ଚୋର୍ ହୈ । ରାହୁଲ ସର୍ବସମ୍ମତି କ୍ରମେ ଅଯୋଧ୍ୟାରେ ରାମ ମନ୍ଦିର ନିର୍ମାଣ କରିବା ଏଥିରେ କୁହାଯାଇଛି ।