ବାଇଡେନ ଜଣେ ଦୁର୍ବଳ ରାଷ୍ଟ୍ରପତି, ଚୀନ ବିରୁଦ୍ଧରେ ଯୁଦ୍ଧ ଆରମ୍ଭ କରିପାରନ୍ତି : ଚୀନ ବିଶେଷଜ୍ଞ
ବେଜିଂ : ଆମେରିକାର ନୂଆ ରାଷ୍ଟ୍ରପତି ଜୋ ବାଇଡେନ ଆସିବା ପରେ ଯେ ଚୀନ ପ୍ରତି ସେ ନରମ ମନୋଭାବ ପୋଷଣ କରିବେ ଅଥବା ଚୀନ ସହିତ ଆମେରିକାର ସଂପର୍କ ଆପେ ଆପେ ସୁଧୁରିଯିବ, ତାହା ଭାବିବା ଭୁଲ ହେବ । ଏକ କଠୋର ଆମେରିକାର ସମ୍ମୁଖୀନ ହେବା ଲାଗି ପ୍ରସ୍ତୁତ ରହିବାକୁ ବେଜିଂକୁ ସତର୍କ କରାଇଦେଇଛନ୍ତି ଚୀନ ସରକାରଙ୍କ ଜଣେ ପରାମର୍ଶଦାତା ।
Sambad is now on WhatsApp
Join and get latest news updates delivered to you via WhatsApp
ଆଡଭାନ୍ସଡ ଇନଷ୍ଟିଚ୍ୟୁଟ ଅଫ ଗ୍ଲୋବାଲ ଏଣ୍ଡ କଣ୍ଟେପୋରାରି ଚାଇନିଜ୍ ଷ୍ଟଡିଜର ଡିନ ଝେଙ୍ଗ ୟଙ୍ଗିଆନ କହିଛନ୍ତି ଯେ ଜୋ ବିଡେନ ହ୍ବାଇଟ ହାଉସକୁ ଆସିବା ପରେ ଆମେରିକାରେ ଥିବା ଚୀନ ବିରୋଧୀ ହାଓ୍ବାର ଫାଇଦା ନେବାକୁ ଚେଷ୍ଟା କରିବେ । ସେ ଯଦି ଆମେରିକାର ଘରୋଇ ସମସ୍ୟାଗୁଡ଼ିକର ସମାଧାନ କରିନପାରନ୍ତି, ତେବେ ସେ ଜଣେ ଦୁର୍ବଳ ରାଷ୍ଟ୍ରପତି ଭାବେ ଗଣାଯିବେ । ଏହାକୁ ଲୁଚାଇବାକୁ ସେ ଚୀନ ବିରୁଦ୍ଧରେ ପଦକ୍ଷେପ ନେବେ, ଯୁଦ୍ଧ ବି କରିପାରନ୍ତି । ଯଦି ଟ୍ରମ୍ପ ଯୁଦ୍ଧ ପାଇଁ ଇଚ୍ଛୁକ ନଥିଲେ, ତେବେ ବାଇଡେନ ଯୁଦ୍ଧ କରିପାରନ୍ତି ।
ଏଣୁ ଚୀନ ସରକାର ଆମେରିକା ସହ ସମ୍ପର୍କ ଖରାପ କରିବାକୁ କୌଣସି ସୁଯୋଗକୁ ହାତଛଡ଼ା କରିବା ଉଚିତ ନୁହେଁ ।
ସାଉଥ ଚାଇନା ମର୍ଣ୍ଣିଂ ପୋଷ୍ଟରେ ପ୍ରକାଶିତ ଏକ ରିପୋର୍ଟ ଅନୁସାରେ ଭଲ ସମୟ ଚାଲିଯାଇଛି, କାରଣ ଆମେରିକାରେ ଥିବା ଶୀତଳଯୁଦ୍ଧ ସମର୍ଥକମାନେ ଏବେ ବି ସକ୍ରିୟ ଅଛନ୍ତି ।