ଅବୁ ସାଲେମଙ୍କୁ ଗିରଫ କରିଥିବା ପ୍ରତିଯୋଗୀଙ୍କ ଦ୍ୱାରା ପ୍ରଭାବିତ ହୋଇଥିଲେ ବିଗ୍ ବି, କିପରି ଟ୍ରେସ୍ କରିଥିଲେ ଜାଣନ୍ତୁ…
ମୁମ୍ବାଇ: କୌନ ବନେଗା କାରୋଡ଼ପତି(କେବିସି)୧୪ର ଆସିଥିବା ନୂଆ ପ୍ରୋମୋ ଚର୍ଚ୍ଚାରେ ରହିଛି । ଏଥର ଅମିତାଭ ବଚ୍ଚନଙ୍କ ସାମ୍ନାରେ ହଟ ସିଟରେ ବସିବେ ଅବୁ ସାଲେମଙ୍କୁ ଧରିଥିବା ଜଣେ ସାହସୀ ଅଧିକାରୀ ରୁପିନ୍ ଶର୍ମା । ଏପିସୋଡର ପ୍ରମୋ ରିଲିଜ ହୋଇସାରିଛି, ଯେଉଁଥିରେ ହୋଷ୍ଟ ଅମିତାଭ ବଚ୍ଚନ ନାଗାଲାଣ୍ଡର ଡିଜିପି ରୁପିନ୍ ଶର୍ମାଙ୍କୁ ସ୍ୱାଗତ କରିବେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ୧୯୯୩ରେ ସଂଘଟିତ ମୁମାଇ ସିରିଏଲ ବିସ୍ଫୋରଣ ଘଟଣାରେ ସଂପୃକ୍ତ ଥିବା ଅଣ୍ଡରୱାର୍ଲଡ ଡନ୍ ଦାଉଦ ଇବ୍ରାହିମ୍ର ଘନିଷ୍ଠ ସହଯୋଗୀ ତଥା ଦୁର୍ଦ୍ଦାନ୍ତ ଅପରାଧୀ ଅବୁ ସାଲେମକୁ ୨୦୦୦ ମସିହାରେ ଗିରଫ କରିଥିଲେ ରୁପିନ୍ ଶର୍ମା । ସୋସିଆଲ୍ ମିଡ଼ିଆରେ ଏବେ ଏକ ଭିଡିଓ କ୍ଲିପ୍ ଭାଇରାଲ୍ ହେବାରେ ଲାଗିଛି, ଯେଉଁଥିରେ ବିଗ୍ ବି ଏବଂ ଦର୍ଶକ ରୁପିନ୍ ଶର୍ମାଙ୍କୁ ସ୍ୱାଗତ କରୁଛନ୍ତି । ପ୍ରୋମୋରେ ରୁପିନ୍ କୁହନ୍ତି ଯେ, ସେ ନାଗାଲାଣ୍ଡରେ ଜେଲର ମହାନିର୍ଦ୍ଦେଶକ ଭାବରେ କାର୍ଯ୍ୟ କରୁଥିଲେ । ଆଜିର ସମୟରେ ଜେଲର ଧାରଣା ସମ୍ପୂର୍ଣ୍ଣ ରୂପେ ବଦଳିଯାଇଛି ।
ଏହାପରେ ଅମିତାଭ ବଚ୍ଚନ କହିଛନ୍ତି ଯେ, ଆପଣ ଏକ କୁଖ୍ୟାତ ଆତଙ୍କବାଦୀ ଅବୁ ସାଲେମକୁ ଗିରଫ କରିଥିଲେ । ସେ ଆହୁରି ମଧ୍ୟ କହିଛନ୍ତି ଯେ,”ଲୋକଙ୍କ ହୃଦୟ ଜିତିବା ବହୁତ କଷ୍ଟକର, ୱେଲଡନ୍ ସାର୍” । ରୁପିନ୍ ଶର୍ମାଙ୍କ ସହ କାମ କରୁଥିବା କିଛି ଲୋକ ତାଙ୍କୁ ପ୍ରଶଂସା କରୁଥିବା ମଧ୍ୟ ଦେଖାଯାଏ ।
ଅବୁ ସାଲେମଙ୍କୁ ଏହିପରି ଟ୍ରେସ୍ କରାଯାଇଥିଲା:
ଗଣମାଧ୍ୟମ ରିପୋର୍ଟ ଅନୁଯାୟୀ, ୨୦୦୫ ମସିହାରେ ପୁର୍ତ୍ତଗାଲରୁ ଆବୁ ସାଲେମଙ୍କ ପ୍ରତ୍ୟର୍ପଣରେ ରୁପିନ୍ ଶର୍ମା ପ୍ରମୁଖ ଭୂମିକା ଗ୍ରହଣ କରିଥିଲେ । ରୁପିନ୍ ସିବିଆଇ ଦଳର ଲିଡର ଥିଲେ । ସେହି ସମୟରେ ସହକାରୀ ନିର୍ଦ୍ଦେଶକ ପଦରେ ରୁପିନ ରହିଥିଲେ । ରୁପିନ୍ ଶର୍ମା ୨୦୦୨ମସିହାରେ ଏକ ମେଲ ମାଧ୍ୟମରେ ପୁର୍ତ୍ତଗାଲରେ ଥିବା ନେଇ ଆବୁ ସାଲେମର ଲୋକେସନ ଟ୍ରେସ୍ କରିଥିଲେ ।
କେବିସି ଆସିବା ପୂର୍ବରୁ ନର୍ଭସ ହୁଅନ୍ତି ବିଗ୍ ବି..
ଅମିତାଭ ବଚ୍ଚନ ଏକ ମିଡିଆ ମାଧ୍ୟମରେ କହିଛନ୍ତି ଯେ, ଯେତେବେଳେ ବି ସେ କେବିସି ସେଟକୁ ଆସନ୍ତି, ସେତେବେଳେ ସେ ନର୍ଭସ ହୋଇଯାଆନ୍ତି । ତାଙ୍କ ହାତ ଓ ପାଦ ଥରି ଉଠିଥାଏ ଏବଂ ସେ କ’ଣ କହିବେ ଓ ନିଜକୁ କିପରି ଉପସ୍ଥାପନ କରିବେ ବୋଲି ଭାବିଥାନ୍ତି । କିନ୍ତୁ ଦର୍ଶକଙ୍କ ପ୍ରେମ ତାଙ୍କୁ ସବୁବେଳେ ସାହସ ଦେଇଥାଏ ।