ଭାରତର ହସ୍ତତନ୍ତ ରପ୍ତାନିକାରୀଙ୍କୁ ବଡ଼ ଆଶ୍ବସ୍ତି
ନୂଆଦିଲ୍ଲୀ : କନ୍ଭେନସନ ଅନ୍ ଇଣ୍ଟରନାସନାଲ୍ ଟ୍ରେଡ୍ ଇନ୍ ଏନଡେଞ୍ଜର୍ଡ ସ୍ପେସିସ୍ ଅଫ୍ ୱାଇଲ୍ ଫୌନା ଆଣ୍ଡ ଫ୍ଲୋରା (ସିଆଇଟିଇଏସ୍)ର ପକ୍ଷମାନଙ୍କର ସମ୍ମିଳନୀର ଉନବିଂଶତମ ବୈଠକ ପାନାମା ଠାରେ ନଭେମ୍ବର ୧୪ରୁ ୨୫ ପର୍ଯ୍ୟନ୍ତ ଅନୁଷ୍ଠିତ ହେଉଛି। ଶିଶମ ବା ଡାଲବର୍ଜିଆ ସିସୁ ସମ୍ମିଳନୀର ଆପେଣ୍ଡିକ୍ସ ୨ରେ ଅନ୍ତର୍ଭୂକ୍ତ ହୋଇଛି, ଯାହା ଦ୍ବାରା ଏହି ପ୍ରଜାତିର ବ୍ୟବସାୟିକ କାରବାର ପାଇଁ ସିଆଇଟିଇଏସ୍ ନିୟମାବଳୀ ଅନୁସରଣ କରିବା ଆବଶ୍ୟକ। ବର୍ତ୍ତମାନ ସୁଦ୍ଧା ୧୦ କିଲୋଗ୍ରାମରୁ ଅଧିକ ଓଜନର ପ୍ରତ୍ୟେକ ସାମଗ୍ରୀ ସିଆଇଟିଇଏସ୍ ଅନୁମତି ଆବଶ୍ୟକ କରେ। ଏହି ପ୍ରତିବନ୍ଧକ ଯୋଗୁଁ ଭାରତରୁ ଡାଲବର୍ଜିଆ ସିସୁରୁ ନିର୍ମିତ ଆସବାବପତ୍ର ଏବଂ ହସ୍ତତନ୍ତ ରପ୍ତାନି ତାଲିକା ପୂର୍ବରୁ ବାର୍ଷିକ ପ୍ରାୟ ୧୦୦୦ କୋଟି ଭାରତୀୟ ଟଙ୍କା ରୁ ୫୦୦-୬୦୦ କୋଟି ଟଙ୍କାକୁ ହ୍ରାସ ପାଉଛି। ଡାଲ୍ବର୍ଜିଆ ସିସୁ ଉତ୍ପାଦର ରପ୍ତାନିରେ ହ୍ରାସ ଏହି ପ୍ରଜାତି ସହିତ କାମ କରୁଥିବା ୫୦,୦୦୦ କାରିଗରଙ୍କ ଜୀବିକା ଉପରେ ପ୍ରଭାବ ପକାଇଛି।
Sambad is now on WhatsApp
Join and get latest news updates delivered to you via WhatsApp
ତେବେ ଭାରତର ଉଦ୍ୟମରେ ବର୍ତ୍ତମାନର ବୈଠକରେ ଫର୍ଣ୍ଣିଚର ଏବଂ ହସ୍ତତନ୍ତ ସାମଗ୍ରୀ ପରି ଶିଶମ (ଡାଲବର୍ଜିଆ ସିସୁ) ସାମଗ୍ରୀର ପରିମାଣ ସ୍ପଷ୍ଟ କରିବାକୁ ଏକ ପ୍ରସ୍ତାବ ଉପରେ ବିଚାର କରାଯାଇଥିଲା। ଭାରତୀୟ ପ୍ରତିନିଧୀଙ୍କ ଦ୍ବାରା ନିରନ୍ତର ବିଚାର ବିମର୍ଶ ପରେ, ଏଥିରେ ସହମତ ହେଲା ଯେକୌଣସି ସଂଖ୍ୟକ ଡାଲବର୍ଜିଆ ସିସୁ କାଠ-ଆଧାରିତ ଆଇଟମ୍ ସିଆଇଟିଇଏସ୍ ଅନୁମତି ବିନା ସିଙ୍ଗିଲ୍ କନସାଇନମେଣ୍ଟ ଭାବରେ ରପ୍ତାନି ହୋଇପାରିବ ଯଦି ଏହି ସାମଗ୍ରୀର ପ୍ରତ୍ୟେକ ଭିନ୍ନ ସାମଗ୍ରୀର ଓଜନ ୧୦ କିଲୋଗ୍ରାମରୁ କମ୍ ଥାଏ। ଅଧିକନ୍ତୁ, ଏହା ସହମତ ହୋଇଥିଲା ଯେ ପ୍ରତ୍ୟେକ ଆଇଟମର ଶୁଦ୍ଧ ଓଜନ ପାଇଁ କେବଳ କାଠକୁ ବିଚାର କରାଯିବ ଏବଂ ଉତ୍ପାଦରେ ଧାତୁ ଇତ୍ୟାଦିରେ ବ୍ୟବହୃତ ଅନ୍ୟ କୌଣସି ବସ୍ତୁକୁ ଅଣଦେଖା କରାଯିବ। ଭାରତୀୟ କାରିଗର ଏବଂ ଆସବାବପତ୍ର ଶିଳ୍ପ ପାଇଁ ଏହା ଏକ ବଡ଼ ପଦକ୍ଷେପ।