ପାକିସ୍ତାନ ଉପରେ ଚଡ଼କ! ପୁଣି ଥରେ ଗ୍ରେ- ତାଲିକା ଭୁକ୍ତ କଲା ଏଫ୍ଏଟିଏଫ୍
ପ୍ୟାରିସ୍: ପାକିସ୍ତାନକୁ ଆଜି ଲାଗିଛି ପୁଣି ଏକ ବଡ଼ ଝଟ୍କା ଲାଗିଛି। ଆତଙ୍କବାଦୀଙ୍କୁ ଅର୍ଥ ଯୋଗାଣ ଏବଂ ଆନ୍ତର୍ଜାତିକ ଆତଙ୍କବାଦୀଙ୍କ ବେଆଇନ ଅର୍ଥ-କାରବାର ରୋକିବାରେ ବିଫଳ ହୋଇଥିବା ପାକିସ୍ତାନକୁ ଫାଇନାନ୍ସିଆଲ୍ ଆକ୍ସନ ଟାସ୍କ ଫୋର୍ସ (ଏଫ୍ଏଟିଏଫ୍) ପୁଣିଥରେ ଧୂସର ତାଲିକା (ଗ୍ରେ ଲିଷ୍ଟ)ରେ ରଖି ଦେଇଛି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ ପୂର୍ବରୁ ୨୦୨୦ ମସିହା ଫେବ୍ରୁଆରି ମାସ ପର୍ଯ୍ୟନ୍ତ ପାକିସ୍ତାନକୁ ଗ୍ରେ-ତାଲିକାଭୁକ୍ତ କରି ରଖିବ ବୋଲି ଏଫ୍ଏଟିଏଫ୍ ଘୋଷଣା କରିଥିଲା। ଏବଂ ଏହି ସମୟ ମଧ୍ୟରେ ପାକିସ୍ତାନ ଯଦି ଆତଙ୍କବାଦ ଓ ଆତଙ୍କବାଦୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଥିବ ତେବେ ପାକିସ୍ତାନକୁ ଗ୍ରେ- ତାଲିକାରୁ ମୁକ୍ତ କରିବ ବୋଲି ଘୋଷଣା କରିଥିଲା। ତେବେ ଆତଙ୍କବାଦ ଓ ଆତଙ୍କବାଦୀଙ୍କୁ ନିୟନ୍ତ୍ରଣ କରିବାରେ ପାକିସ୍ତାନ ବିଫଳ ହୋଇଛି ବୋଲି ହୃଦୟଙ୍ଗମ କରିବା ପରେ ଏଫ୍ଏଟିଏଫ୍ ଆଜି ଆଉଥରେ ପାକିସ୍ତାନକୁ ଗ୍ରେ- ତାଲିକା ଭୁକ୍ତ କରିଛି।