ପାଟନା: ଲୋକସଭା ନିର୍ବାଚନ ସମୟରେ ଭୋଜପୁରୀ ତାରକା ପୱନ ସିଂଙ୍କୁ ଏକ ବଡ଼ ଝଟକା ଲାଗିଛି। ଭାରତୀୟ ଜନତା ପାର୍ଟି ପବନ ସିଂଙ୍କୁ ଦଳରୁ ବହିଷ୍କାର କରିଛି। ବିହାରର ହଟ୍ ସିଟ୍ କାରାକାଟରୁ ସ୍ୱାଧୀନ ପ୍ରାର୍ଥୀ ଭାବେ ପ୍ରତିଦ୍ୱନ୍ଦ୍ୱିତା କରୁଥିବା ପୱନ ସିଂଙ୍କୁ ବିଜେପି ବହିଷ୍କାର କରିଛି। ବର୍ତ୍ତମାନ ପୱନ ସିଂ ଆଉ ବିଜେପିର ସଦସ୍ୟ ନୁହଁନ୍ତି ବୋଲି ଦଳ ପକ୍ଷରୁ ସୂଚନା ପ୍ରଦାନ କରାଯାଇଛି।
ବିଜେପି ରାଜ୍ୟ କାର୍ଯ୍ୟକାରିଣୀ କମିଟିର ସଦସ୍ୟ ଥିବା ପୱନ ସିଂଙ୍କୁ ବହିଷ୍କାର କରି ଦଳ ପକ୍ଷରୁ ଏକ ଚିଠି ଜାରି କରାଯାଇଛି। ଯେଉଁଥିରେ ଲେଖାଯାଇଛିଳ ଆପଣ ଲୋକସଭା ନିର୍ବାଚନରେ ଏନଡିଏର ପ୍ରାଧିକୃତ ପ୍ରାର୍ଥୀଙ୍କ ବିରୋଧରେ ପ୍ରତିଦ୍ୱନ୍ଦ୍ୱିତା କରୁଛନ୍ତି। ଏହି କାର୍ଯ୍ୟ ପାର୍ଟି ବିରୋଧୀ, ଯାହା ଦଳର ଭାବମୂର୍ତ୍ତିକୁ କ୍ଷୁର୍ଣ୍ଣ କରିଛି ଏବଂ ଆପଣ ପାର୍ଟି ଶୃଙ୍ଖଳା ବିରୁଦ୍ଧରେ ଏହା କରିଛନ୍ତି। ତେଣୁ ପାର୍ଟି ବିରୋଧୀ କାର୍ଯ୍ୟ ପାଇଁ ପ୍ରଦେଶ ଅଧ୍ୟକ୍ଷଙ୍କ ନିର୍ଦ୍ଦେଶ ଅନୁଯାୟୀ ଆପଣଙ୍କୁ ଦଳରୁ ବହିଷ୍କାର କରାଯାଇଛି।
बिहार भाजपा ने भोजपुरी गायक पवन सिंह को NDA के आधिकारिक उम्मीदवार के खिलाफ स्वतंत्र उम्मीदवार के रूप में लोकसभा चुनाव लड़ने के लिए निष्कासित कर दिया।
— ANI_HindiNews (@AHindinews) May 22, 2024
पवन सिंह ने पहले स्वतंत्र उम्मीदवार के रूप में काराकाट लोकसभा क्षेत्र से चुनाव लड़ने के अपने फैसले की घोषणा की थी। pic.twitter.com/W1FRlZfnsa
ପୱନ ସିଂଙ୍କ ନାମ ବିଜେପିର ଷ୍ଟାର ପ୍ରଚାରକମାନଙ୍କ ମଧ୍ୟରେ ଅନ୍ତର୍ଭୁକ୍ତ ହୋଇଥିଲା। ଲୋକସଭା ନିର୍ବାଚନ ଆରମ୍ଭ ପୂର୍ବରୁ ପୱନ ସିଂଙ୍କୁ ବିଜେପି ଟିକେଟ ଦେଇଥିଲା। ଦଳ ତାଙ୍କୁ ପଶ୍ଚିମବଙ୍ଗର ଆସାନସୋଲରୁ ପ୍ରାର୍ଥୀ କରିଥିଲା କିନ୍ତୁ ପୱନ ସିଂ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ମନା କରି ଦେଇଥିଲେ। କିଛି ସମୟ ପରେ ପୱନ ସିଂ ବିହାରର କାରାକାଟରୁ ନିର୍ବାଚନ ଲଢ଼ିବାକୁ ଘୋଷଣା କରିଥିଲେ ଏବଂ ଏଠାରୁ ସ୍ବାଧୀନ ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଥିଲେ। ପୱନ ସିଂ କାରାକାଟରେ ବହୁତ ସକ୍ରିୟ ଏବଂ ତାଙ୍କର ନିର୍ବାଚନରେ ପ୍ରବେଶ ସହିତ ଏହି ହଟ୍ ସିଟ୍ରେ ତ୍ରିକୋଣୀୟ ଲଢ଼େଇ ସୃଷ୍ଟି ହୋଇଛି ।
जन सेवा का संकल्प लेकर,
— Pawan Singh (@PawanSingh909) May 18, 2024
आगे हम बढ़ रहे है ।#karakatjindabad pic.twitter.com/CY7lYw3dOE
ଏନଡିଏ ସହଯୋଗୀ ଦଳ ବିହାରର କାରାକାଟ ଆସନରେ ଉପେନ୍ଦ୍ର କୁଶବାହଙ୍କୁ ପ୍ରାର୍ଥୀ କରିଥିବାବେଳେ ଇଣ୍ଡିଆ ମେଣ୍ଟ ପକ୍ଷରୁ ରାଜାରାମ କୁଶବାହଙ୍କୁ ପ୍ରାର୍ଥୀ କରିଛି। ପୱନ ସିଂ ଜଣେ ସ୍ୱାଧୀନ ପ୍ରାର୍ଥୀ ଭାବରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛନ୍ତି। ପୱନ ସିଂଙ୍କ ନାମାଙ୍କନକୁ ମଧ୍ୟ ଅନୁମୋଦନ କରାଯାଇଛି। ତାଙ୍କୁ ନେଇ ଯୁବବର୍ଗମାନଙ୍କ ମଧ୍ୟରେ ଉତ୍ସାହ ରହିଛି। ସୂଚନାଯୋଗ୍ୟ ଯେ ଜୁନ୍ ୧ ତାରିଖରେ ସପ୍ତମ ପର୍ଯ୍ୟାୟରେ କାରାକାଟ ଲୋକସଭା ଆସନ ପାଇଁ ମତଦାନ ଅନୁଷ୍ଠିତ ହେବ।