ମୁଜାଫରପୁରର ଡ଼ାକ୍ତରଖାନା ପଛପଟୁ ମିଳିଲା ଶହ ଶହ ନର କଙ୍କାଳ, ସନ୍ଦେହ ଘେରରେ ଡ଼ାକ୍ତରଖାନା କର୍ତ୍ତୃପକ୍ଷ
ମୁଜାଫରପୁର : ବିହାରର ମୁଜାଫରପୁରରେ ଏନ୍ସେଫାଲାଇଟିସ୍ ରୋଗକୁ ନେଇ ସରକାର ଚିନ୍ତାରେ ଥିବା ବେଳେ ଏବେ ଆଉ ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି । ମୁଜାଫରପୁରରେ ଥିବା ଶ୍ରୀକ୍ରିଷ୍ଣା ମେଡିକାଲ କଲେଜ ଆଣ୍ଡ ହସ୍ପିଟାଲ ପଛପଟୁ ଶହ ଶହ ନର କଙ୍କାଳ ମିଳିବା ଘଟଣାକୁ ନେଇ ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଆରମ୍ଭ ହୋଇ ଯାଇଛି । ଏତେ ସଂଖ୍ୟକ ନର କଙ୍କାଳ ମିଳିବା ପରେ ଡ଼ାକ୍ତରଖାନା କର୍ତ୍ତୃପକ୍ଷ ପୁଣି ଥରେ ସନ୍ଦେହ ଘେରକୁ ଆସି ଯାଇଛନ୍ତି । ଏହି ଡ଼ାକ୍ତରଖାନାରେ ଏନ୍ସେଫାଲାଇଟିସ୍ ରୋଗରେ ପୀଡ଼ିତ ୧୦୯ଜଣ ଶିଶୁ ମୃତ୍ୟୁବରଣ କରିଥିଲେ । ଏତେ ସଂଖ୍ୟକ ଶିଶୁ ମୃତ୍ୟୁବରଣ କରିବା ଏବଂ ଡ଼ାକ୍ତରଖାନା ପଛପଟୁ ନରକଙ୍କାଳ ମିଳିବାକୁ ନେଇ ଡ଼ାକ୍ତରଖାନା କର୍ତ୍ତୃପକ୍ଷଙ୍କୁ ଅନେକ ପ୍ରଶ୍ନର ସାମ୍ନା କରିବାକୁ ପଡ଼ିଛି । ଏ ନେଇ ହଙ୍ଗାମା ବଢ଼ୁଥିବା ଦେଖି ତୁରନ୍ତ ଏହାର ଯାଞ୍ଚ କରାଯିବ ବୋଲି କହିଛନ୍ତି ଡ଼ାକ୍ତରଖାନାର ଅଧ୍ୟୀକ୍ଷକ ଏସ୍କେ ଶାହି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଡ଼ାକ୍ତରଖାନା ପଛପଟେ ବଡ଼ ଜଙ୍ଗଲ ଥିବା ବେଳେ ଅନେକ ଶବକୁ ସେଠାରେ ପୋଡା ଯାଇଥିବା ଦେଖା ଯାଇଛି । ଏହା ସହ ଅଖାରେ ବନ୍ଦ ଥିବା ମର ଶରୀର ମଧ୍ୟ ଜବତ କରାଯାଇଛି । ତେବେ ଏତେ ସଂଖ୍ୟକ କଙ୍କାଳ ସେଠାକୁ ଆସିଲା କେମିତି ସେ ନେଇ ଏବେ ଯାଞ୍ଚ ଆରମ୍ଭ କରିଛି ପୁଲିସ ।