ଚର୍ଚ୍ଚାରେ ଚାକିରି ପାଇଁ ବାହାରିଥିବା ଏହି ବିଜ୍ଞାପନ, ଅପରାଧ କରିବାକୁ ଚାହୁଁଥିବା ଲୋକେ କରି ପାରିବେ ଆବେଦନ !
ପାଟନା : କିଛି ଦିନ ହେବ ସୋସିଆଲ ମିଡ଼ିଆରେ ଚାକିରି ପାଇଁ ବାହାରିଥିବା ଏକ ବିଜ୍ଞାପନକୁ ନେଇ ଚର୍ଚ୍ଚା ଆରମ୍ଭ ହୋଇଛି । ବିଜ୍ଞାପନରେ ଲେଖାଥିବା କଥାଗୁଡ଼ିକ ସମସ୍ତଙ୍କୁ ଆଶ୍ଚର୍ଯ୍ୟ କରିଥିବା ବେଳେ ଏଭଳି ବିଜ୍ଞାପନ ଏକ ବାଇକର୍ସ ଗ୍ୟାଙ୍ଗ କରିଥିବା ଜଣା ପଡ଼ିଛି । ଫେସ୍ବୁକ୍ରେ କରାଯାଇଥିବା ଏହି ପୋଷ୍ଟ ପୁଲିସର ନଜରକୁ ଆସିବା ପରେ ମୁଖ୍ୟ ଅଭିଯୁକ୍ତକୁ ଖୋଜିବା ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦୁଇ ଦିନ ହେଲାଣି ଫେସ୍ବୁକ୍ରେ ଏକ ବାଇକର୍ସ ଗ୍ୟାଙ୍ଗ କିଛି ଯୁବକଙ୍କୁ ନିଜ ଗ୍ୟାଙ୍ଗରେ ସାମିଲ କରିବାକୁ ଚାହୁଁଥିବା ବେଳେ ଏ ନେଇ ଫେସ୍ବୁକ୍ରେ ଏକ ପୋଷ୍ଟ କରାଯାଇଥିଲା । ଯେଉଁମାନେ ବିଭିନ୍ନ ଧରଣର ଅପରାଧ କରିବା ପାଇଁ ଇଚ୍ଛୁକ ବା ଅପରାଧ କରିବାରେ ମାହିର୍ ସେମାନେ ହିଁ ଏହି ଚାକିରି ପାଇଁ ଆବେଦନ କରି ପାରିବେ । ଏହି ପୋଷ୍ଟ ପଢ଼ି ଯଦି କେହି ଏହି ଚାକିରି କରିବାକୁ ନିଜକୁ ଯୋଗ୍ୟ ବୋଲି ଭାବିବେ ତେବେ ତଳେ କମେଣ୍ଟ ବକ୍ସରେ ବା ଇନ୍ବକ୍ସରେ ଆସି ସବିଶେଷ ବିବରଣୀ ନେଇ ପାରିବେ ବୋଲି କରାଯାଇଥିବା ପୋଷ୍ଟରେ ଲେଖାଥିବା ଦେଖିବାକୁ ମିଳିଛି ।