କରୋନାକୁ ମୁକାବିଲା କରିବାକୁ ୭୫୦ କୋଟି ଟଙ୍କାର ସହାୟତା ରାଶି ଘୋଷଣା କଲା ବିଲ ଗେଟସ ଫାଉଣ୍ଡେସନ

ନୂଆଦିଲ୍ଲୀ: ମାଇକ୍ରୋସଫ୍ଟର ସହ-ପ୍ରତିଷ୍ଠାତା ବିଲ୍ ଗେଟ୍ସଙ୍କ ଗେଟ୍ସ ଫାଉଣ୍ଡେସନ କରୋନା ଭୂତାଣୁ କୋଭିଡ-୧୯ ସହିତ ମୁକାବିଲା କରିବା ପାଇଁ ୧୦୦ ମିଲିୟନ୍ ଡଲାର(ପ୍ରାୟ ୭୫୦ କୋଟି ଟଙ୍କା) ଘୋଷଣା କରିଛି। ବିଲ ଗେଟ୍ସ ଏହା ମଧ୍ୟ କହିଛନ୍ତି ଯେ ୭୫୦ କୋଟି ଟଙ୍କା ବ୍ୟତୀତ ୱାଶିଂଟନକୁ ସାହାଯ୍ୟ କରିବା ପାଇଁ ସେ ୩୭ କୋଟି ଟଙ୍କା ଦେବେ |

ଗୁରୁବାର ଦିନ ବିଲ୍ ଗେଟ୍ସ ଲୋକଙ୍କୁ ଶାନ୍ତ ରହିବାକୁ ଏବଂ କରୋନା ବିଷୟରେ ସତର୍କତା ଅବଲମ୍ବନ କରିବାକୁ କହିଛନ୍ତି | ଗେଟସ କହିଛନ୍ତି ଯେ ଲୋକମାନେ ଯଦି ଘରୁ ବାହାରକୁ ଯିବେ ନାହିଁ ତେବେ ନୂତନ କରୋନା ରୋଗୀଙ୍କ ସଂଖ୍ୟା କମ୍ ହେବ |

ଗେଟ୍ସ କହିଛନ୍ତି ଯେ ସମଗ୍ର ବିଶ୍ୱ ଅର୍ଥନୈତିକ କ୍ଷତି ପାଇଁ ଚିନ୍ତିତ, କିନ୍ତୁ ବିକାଶଶୀଳ ଦେଶ ଅଧିକ ପ୍ରଭାବିତ ହେବେ, କାରଣ ଏପରି ଦେଶ ଧନୀ ଦେଶ ଭଳି ସାମାଜିକ ଦୂରତା ସୃଷ୍ଟି କରିପାରିବ ନାହିଁ | ବିକାଶଶୀଳ ଦେଶମାନଙ୍କରେ ଡାକ୍ତରଖାନାଗୁଡ଼ିକ କମ୍ ଏବଂ ସେମାନଙ୍କର କ୍ଷମତା ମଧ୍ୟ ବହୁତ କମ୍ ଅଟେ | ସେ କହିଛନ୍ତି ଯେ ଗେଟ୍ସ ଫାଉଣ୍ଡେସନ ଡାଇଗ୍ନୋଷ୍ଟିକ୍, ମେଡିସିନ୍ ଏବଂ ଟିକା ତିଆରି ଲ୍ୟାବ ସହିତ କାମ କରୁଛି ଓ ଲୋକଙ୍କୁ ସାହାଯ୍ୟ କରିବା ପାଇଁ ପ୍ରତିଶୃତିବଦ୍ଧ ରହିଛି |

ସମ୍ବନ୍ଧିତ ଖବର