ପେଙ୍ଗୟାଙ୍ଗ୍ : ଉତ୍ତରକୋରିଆ ବିଶ୍ବରେ ଏକ ଅଜବ ଦେଶ । କାରଣ ସେଠାରେ ବିଭିନ୍ନ ପ୍ରକାରର ଅଜବ ନିୟମ କାନୁନ ପ୍ରଚଳିତ ଅଛି । ଲୋକମାନେ ସରକାରଙ୍କ ଅନୁମୋଦିତ ଷ୍ଟାଇଲ ଅନୁସାରେ ନିଜର କେଶ କାଟିବେ, ବିଦେଶୀ ସଂଗୀତ କେହି ଶୁଣିପାରିବେ ନାହିଁ, ବିନା ଅନୁମତିରେ କେହି ବିଦେଶକୁ ଯାଇପାରିବେ ନାହିଁ ଇତ୍ୟାଦି ।
Sambad is now on WhatsApp
Join and get latest news updates delivered to you via WhatsApp
ଏବେ ଉତ୍ତରକୋରିଆ ଶାସକ କିମ ଜଙ୍ଗ୍ ୟୁନଙ୍କ ଆଉ ଏକ ଅଜବ ଆଦେଶ ସେଠାକାର ଲୋକମାନଙ୍କ ଉପରେ ଲଦି ଦିଆଯାଇଛି । ତାହା ହେଉଛି ଲୋକମାନେ ନିଜ ପିଲାମାନଙ୍କ ନାଁ ବମ୍, ଗନ୍, ସାଟେଲାଇଟ୍ ଆଦି ରଖନ୍ତୁ । ଏହାଦ୍ବାରା ପିଲାମାନଙ୍କ ମଧ୍ୟରେ ଦେଶାତ୍ମବୋଧକ ଭାବନା ଜାଗ୍ରତ ହେବ । ନିଜ ଦେଶର ସେନା ପ୍ରତି ସମ୍ମାନ ଉଦ୍ରେକ ହେବ । ଯେଉଁମାନେ ଏପରି ନାଁ ନ ରଖିବେ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ଓ ସେମାନଙ୍କୁ କମ୍ୟୁନିଷ୍ଟ ବିରୋଧୀ ବୋଲି କୁହାଯିବ । ପୁଣି ଆଉ ଏକ ସର୍ତ୍ତ ରହିଛି । ତାହା ହେଉଛି ଦକ୍ଷିଣ କୋରିଆରେ ଯେଉଁସବୁ ନାଁ ଦିଆଯାଉଛି, ସେସବୁ ନାଁଗୁଡ଼ିକୁ ନ ଦେବାକୁ କୁହାଯାଇଛି । ପୁଣି କେବଳ ସଦ୍ୟଜାତ ନୁହେଁ, ବର୍ତ୍ତମାନ ଅଲଗା ନାଁ ଥିବା ଶିଶୁମାନଙ୍କ ନାଁ ବଦଳାଇାବକୁ କୁହାଯାଉଛି ।
ସେଠାକାର ସରକାରଙ୍କ ମତରେ ବର୍ତ୍ତମାନ ପିଲାମାନଙ୍କ ଯେଉଁ ନାଁ ରଖାଯାଉଛି ସେଗୁଡ଼ିକ କାନକୁ ବେଶ ସରଳ ଶୁଭୁଛି । ସେଗୁଡ଼ିକ ଦେଶାତ୍ମକବୋଧ ଭାବନା ଜାଗ୍ରତ କରୁନାହିଁ ।