ବ୍ୟବହାର କରି ଫୋଫାଡ଼ିଦେବାରେ ବିଶ୍ୱାସ କରେ କଂଗ୍ରେସ: ବିଜେପି

ନୂଆଦିଲ୍ଲୀ: ଆସନ୍ତା ଲୋକସଭା ନିର୍ବାଚନକୁ ନେଇ କଂଗ୍ରେସ ଏବଂ ଆମ୍ ଆଦମୀ ପାର୍ଟି (ଆପ) ମଧ୍ୟରେ ସପ୍ତାହେ ଧରି ଚାଲିଥିବା ବିବାଦ ଶନିବାର ଶେଷ ହୋଇଛି। ଇଣ୍ଡିଆ ମେଣ୍ଟର ଉଭୟ ଦଳ କଂଗ୍ରେସ ଏବଂ ଆପ ଆନୁଷ୍ଠାନିକ ଭାବେ ଦିଲ୍ଲୀ, ଗୁଜୁରାଟ, ହରିୟାଣା, ଚଣ୍ଡିଗଡ଼ ଏବଂ ଗୋଆ ପାଇଁ ସିଟ୍ ବଣ୍ଟନ ନେଇ ଘୋଷଣା କରିଛନ୍ତି। ଗୁଜୁରାଟର ୨୬ଟି ଲୋକସଭା ଆସନ ମଧ୍ୟରୁ ୨୪ଟିରେ କଂଗ୍ରେସ ପ୍ରତିଦ୍ୱନ୍ଦ୍ୱିତା କରୁଥିବାବେଳେ ଆପ ଦୁଇଟି ଆସନରେ ପ୍ରାର୍ଥୀ ଦେବ। ଏଥି ସହିତ କଂଗ୍ରେସ ଭରୁଚ ଆସନ ଆପକୁ ଦେଇଛି, ଯେଉଁଥିରେ ଦଳ ଚେତର ଭାସାଭାଙ୍କୁ ପ୍ରାର୍ଥୀ କରିଛି। ଭରୁଚ ଆସନ ଆପକୁ ଦିଆଯିବା ପରେ ପୂର୍ବତନ କଂଗ୍ରେସ ନେତା ତଥା ବର୍ତ୍ତମାନ ବିଜେପି ମୁଖପାତ୍ର ଜୟବୀର ଶେରଗିଲ ଏବଂ ଭାରତୀୟ ଜନତା ପାର୍ଟି (ବିଜେପି) ଆଇଟି ସେଲ ମୁଖ୍ୟ ଅମିତ ମାଲବିୟ କଂଗ୍ରେସକୁ ଟାର୍ଗେଟ କରିଛନ୍ତି। ଜୟବୀର କହିଛନ୍ତି ଯେ କଂଗ୍ରେସ ଦଳ ପାଇଁ ଜୀବନ ଦେଇଥିବା ଅହମ୍ମଦ ପଟେଲଙ୍କ ଦୀର୍ଘ ଦିନର ଗଡ଼କୁ ଆପକୁ ହସ୍ତାନ୍ତର କରି ରାହୁଲ ପ୍ରତିଶୋଧ ନେଇଛନ୍ତି |

ସେହିପରି ଅମିତ କହିଛନ୍ତି ଯେ ଦିବଂଗତ ଅହମ୍ମଦ ପଟେଲ ଏବଂ ରାହୁଲ ଗାନ୍ଧୀଙ୍କ ମଧ୍ୟରେ ଥିବା ମତପାର୍ଥକ୍ୟ ବିଷୟରେ ସମସ୍ତେ ଜାଣନ୍ତି | କଂଗ୍ରେସ ପାର୍ଟି ଗୁଜୁରାଟର ଭରୁଚ ଆସନ ଆମ୍ ଆମ୍ ଆଦମୀ ପାର୍ଟିକୁ ଦେବା ନେଇ ଅମିତ ରାହୁଲ ଗାନ୍ଧୀଙ୍କୁ ଟାର୍ଗେଟ କରି ସେ କହିଛନ୍ତି ଯେ ଏହି ଆସନ ସହିତ ତାଙ୍କର ଦୀର୍ଘ ସମ୍ପର୍କ ରହିଛି। ବର୍ତ୍ତମାନ ଦଳ ଏହାକୁ ଆପ ହାତକୁ ଦେଇ ଅହମ୍ମଦ ପଟେଲଙ୍କ ପରିବାରକୁ ଅପମାନିତ କରିବାକୁ ଚେଷ୍ଟା କରିଛି। ସେ ଅଭିଯୋଗ କରିଛନ୍ତି ଯେ ଗାନ୍ଧୀ ପରିବାର ବ୍ୟବହାର ପରେ ଫିଙ୍ଗିବାରେ ବିଶ୍ୱାସ କରେ ।

ସେ କହିଛନ୍ତି ଯେ ପାର୍ଟି ପ୍ରଥମେ ଜଣକୁ ବ୍ୟବହାର କରେ ଏବଂ ଯେତେବେଳେ ତାଙ୍କର ଉଦ୍ଦେଶ୍ୟ ପୂରଣ ହୁଏ ସେତେବେଳେ ତାଙ୍କୁ ଫିଙ୍ଗିଦିଆଯାଏ | ଉଲ୍ଲେଖ ଥାଉ କି ଏହି ଆସନରୁ ଲଢ଼ିବାକୁ ଅହମ୍ମଦ ପଟେଲଙ୍କ ପୁଅ ଫୈଜଲ ପଟେଲ ନିଷ୍ପତ୍ତି ନେଇଥିଲେ | ସେ ଖୁଲମଖୁଲା କହିଥିଲେ ଯେ ମୁଁ ଭରୁଚ ଆସନ ପାଇଁ ମୁଁ ଦାବିଦାର। ଆମ୍ ​​ଆଦମୀ ପାର୍ଟି ପ୍ରାର୍ଥୀ ଏଠାରୁ ଜିତି ପାରିବେ ନାହିଁ। ମୁଁ ଏଠାରେ ନିରନ୍ତର ପରିଶ୍ରମ କରିଛି। ଏହି ଆସନରୁ ଆପ ଲଢ଼ିବ ବୋଲି ଚର୍ଚ୍ଚା ହେବା ପରେ ତୃଣମୂଳ ସ୍ତରରେ କର୍ମୀଙ୍କ ମଧ୍ୟରେ ଅସନ୍ତୋଷ ବଢିଛି | କର୍ମୀମାନେ କହିଛନ୍ତି ଯେ ଆମେ ଅନ୍ୟ କୌଣସି ଦଳ ପାଇଁ ପ୍ରଚାର କରିବୁ ନାହିଁ।”

ସମ୍ବନ୍ଧିତ ଖବର