ସାଜିଆ ଇଲ୍ମୀ ଓ ପ୍ରେମ ଶୁକ୍ଳା ହେଲେ ବିଜେପିର ରାଷ୍ଟ୍ରୀୟ ପ୍ରବକ୍ତା, ନିଯୁକ୍ତି ପତ୍ରରେ ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା ଲଗାଇଲେ ମୋହର
ନୂଆଦିଲ୍ଲୀ: ସାଜିଆ ଓ ପ୍ରେମ ହେଲେ ବିଜେପିର ରାଷ୍ଟ୍ରୀୟ ପ୍ରବକ୍ତା | ଆଜି ଭାରତୀୟ ଜନତା ପାର୍ଟି(ବିଜେପି) ସାଜିଆ ଇଲ୍ମୀ ଓ ପ୍ରେମ ଶୁକ୍ଳାଙ୍କୁ ଦଳର ରାଷ୍ଟ୍ରୀୟ ପ୍ରବକ୍ତା ଭାବେ ନିଯୁକ୍ତ କରିଛି । ଏନେଇ ନିଜେ ସାଜିଆ ଇଲ୍ମୀ ଟ୍ୱିଟ ଯୋଗେ ସୂଚନା ଦେଇଛନ୍ତି । ଦଳର ଏହି ଦୁଇଜଣ ସଦସ୍ୟ ସବୁବେଳେ ଗଣମାଧ୍ୟମ ସାମ୍ନାରେ ବିଭିନ୍ନ ପ୍ରସଙ୍ଗରେ ଦଳର ମତ ପ୍ରକାଶ କରିଥାନ୍ତି । ବିଜେପି ରାଷ୍ଟ୍ରୀୟ ମହାସଚିବ ଅରୁଣ ସିଂଙ୍କ ଦ୍ୱାରା ଜାରି କରାଯାଇଥିବା ପ୍ରେସ ବିଜ୍ଞପ୍ତି ମୁତାବକ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା ସାଜିଆ ଇଲ୍ମୀ ଓ ପ୍ରେମ ଶୁକ୍ଳାଙ୍କ ନାମରେ ମୋହର ମାରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏମାନଙ୍କୁ ମିଶାଇ ଦଳର ୨୫ ଜଣ ପ୍ରବକ୍ତା ହୋଇଛନ୍ତି, ଯାହା ମଧ୍ୟରେ ମିଡିଆ ବିଭାଗର ପ୍ରମୁଖ ପ୍ରବକ୍ତା ଅନୀଲ ବଲୁନୀ ବି ସାମିଲ ଅଛନ୍ତି । ବିଜେପି ନେତ୍ରୀ ସାଜିଆ ଇଲ୍ମୀ ନିଯୁକ୍ତି ପତ୍ରକୁ ଟ୍ୱିଟ କରିବା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହମନ୍ତ୍ରୀ ଅମିତ ଶାହା ଓ ଦଳର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାକୁ କୃତଜ୍ଞତା ଜଣାଇଛନ୍ତି ।
आधिकारिक प्रवक्ता बनने का दायित्व देने के लिए मैं आपके प्रति बेहद शुक्रगुज़ार हूँ! धन्यवाद! 🇮🇳 आप सब को ईद मुबारक! @narendramodi @JPNadda @AmitShah 💐 pic.twitter.com/avYRYz3KPu
— Shazia Ilmi (@shaziailmi) July 21, 2021
ସାଜିଆ ଇଲ୍ମୀ ପ୍ରଥମରୁ ଜଣେ ଟିଭି ସାମ୍ବାଦିକ ଭାବେ କାର୍ଯ୍ୟ କରୁଥିଲେ । ଏହାପରେ ସେ ଅରବିନ୍ଦ କେଜ୍ରିୱାଲଙ୍କ ନୀତି ଆଦର୍ଶରେ ପ୍ରଭାବିତ ହୋଇ ଆମ୍ ଆଦମୀ ପାର୍ଟିରେ ଯୋଗ ଦେଇଥିଲେ । ୨୦୧୪ ରେ ସେ ଆପ୍ ଟିକେଟରୁ ସାଂସଦ ଭାବେ ନିର୍ବାଚନ ଲଢି ପରାଜିତ ହୋଇଥିଲେ । ଏହାପରେ ସେ ଦଳଛାଡି ୨୦୧୫ ରେ ବିଜେପିରେ ଯୋଗ ଦେଇଥିଲେ ।