ମୋଦିଙ୍କୁ ବାଟ୍‌ମ୍ୟାନ ସହ ତୁଳନା କଲା ବିଜେପି , ସୋସିଆଲ ମିଡିଆରେ ଚର୍ଚ୍ଚା

ନୂଆଦିଲ୍ଲୀ : ଗୋଟିଏ ଦିନରେ ଦୁଇ ଜଣ ହାଇପ୍ରୋଫାଇଲ ଅଭିଯୁକ୍ତଙ୍କୁ ଭାରତକୁ ଆଣିବାରେ ସରକାର ସଫଳତା ପାଇଛନ୍ତି । ଏହି ଦୁଇଜଣ ହେଉଛନ୍ତି ଅଗଷ୍ଟା େଓ୍ଵଷ୍ଟାଲାଣ୍ଡ ହେଲିକପ୍ଟର ଦୁର୍ନିତି ଅଭିଯୁକ୍ତ ରାଜୀବ ସକ୍ସେନା ଓ ଦିପକ ତଲଓ୍ଵାର । ତେବେ ଏଥିପାଇଁ ବିଜେପି ଯେଉଁ ଢଙ୍ଗରେ ପ୍ରଧାନମନ୍ତ୍ରୀ ମୋଦିଙ୍କୁ ପ୍ରସଂଶା କରିଛି ତାହା ସୋସିଆଲ ମିଡିଆରେ ଚର୍ଚ୍ଚାର ବିଷୟ ହୋଇଛି । ଏକ ଟ୍ଵିଟ କରି ବିଜେପି କହିଛି ଯେ ଏହା ପୂର୍ବରୁ ବାଟ୍‌ମ୍ୟାନ ହଂକଂରୁ ଲାଉଙ୍କୁ ନେଇଆସିଥିଲା । ଏବେ ମୋଦି ସେହିପରି ମୋଦି ଏକ ଅସମ୍ଭବ କାମ କରିଦେଖାଇଛନ୍ତି ।

 

Last time we saw such swift extradition, it was Batman extraditing Lau from Hong Kong and delivering him to Jim Gordon.

“Everything’s impossible until somebody does it”. This time it’s PM Narendra Modi. ? #DisruptionOfCorruption https://t.co/bj6xKDb8tM

— BJP (@BJP4India) January 31, 2019

ବହୁଚର୍ଚ୍ଚିତ ଅଗଷ୍ଟା େଓ୍ଵଷ୍ଟଲାଣ୍ଡ ହେଲିକାପ୍ଟର ମାମଲାରେ ଭାରତ ସରକାରଙ୍କୁ ଆଉ ଏକ ବଡ଼ ସଫଳତା ମିଳିଛି । ଏହି ଦୁର୍ନିତିରେ ଏକ ସହ ଅଭିଯୁକ୍ତ ରାଜୀବ ସକ୍ସେନାକୁ ବୁଧବାରଦିନ ୟୁଏଇ ସରକାର ଭାରତକୁ ପ୍ରତ୍ୟାର୍ପଣ କରିଛନ୍ତି । ଗତକାଲି ଦିନ ୧୧ଟାରେ ତାକୁ ଭାରତୀୟ ଅଧିକାରୀମାନଙ୍କ ହାତରେ ୟୁଏଇ ପକ୍ଷରୁ ସମର୍ପଣ କରାଯାଇଥିଲା । ଏହି ମାମଲାରେ ଆଉ ଏକ ଅଭିଯୁକ୍ତ କର୍ପୋରେଟ ଲବିଷ୍ଟ ଦିପକ ତଲଓ୍ଵାରକୁ ମଧ୍ୟ ଗତ କାଲି ରାତିରେ ଭାରତ ଅଣାଯାଇଛି । ଖ୍ରୀଷ୍ଟିଆନ ମିସେଲ ର ପ୍ରତ୍ୟାର୍ପଣ ପରେ ଏହାକୁ ଭାରତ ସରକାରଙ୍କ ପାଇଁ ଏକ ବଡ଼ ସଫଳତା ବୋଲି କୁହାଯାଉଛି ।