ଗଠନ ହେଲା ବିଜେପି ସଂସଦୀୟ କମିଟି : ଲୋକସଭାରେ ମୋଦୀ ନେତା, ରାଜନାଥ ଉପନେତା
ନୂଆଦିଲ୍ଲୀ: ବୁଧବାର ଭାଜପାର ସଂସଦୀୟ କାର୍ଯ୍ୟସମିତିର ଗଠନ କରାଯାଇଛି | ଏହା ମୁତାବକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲୋକସଭାରେ ଭାଜପା ନେତା ହେବେ | ସେହିପରି ରାଜନାଥ ସିଂଙ୍କୁ ଉପନେତା ଚୟନ କରାଯାଇଛି। ରାଜ୍ୟସଭାରେ ଥାବରଚାନ୍ଦ ଗେହଲଟଙ୍କୁ ସଂସଦୀୟ ଦଳ ନେତା ବା ଲିଡର ଅଫ ଦି ପାର୍ଟି ଭାବେ ଚୟନ କରାଯାଇଛି |
Sambad is now on WhatsApp
Join and get latest news updates delivered to you via WhatsApp
ରାଜ୍ୟସଭାରେ ପୀୟୂଷ ଗୋୟଲଙ୍କୁ ଉପନେତା ଭାବେ ଦାୟିତ୍ୱ ମିଳିଛି। ଥାବରଚାନ୍ଦ ଗେହଲଟ ରାଜ୍ୟସଭା ସଦସ୍ୟ ତଥା ପୂର୍ବତନ ଅର୍ଥମନ୍ତ୍ରୀ ଅରୁଣ ଜେଟଲୀଙ୍କ ସ୍ଥାନରେ ପାର୍ଟିର ନେତା ହେବେ। ସରକାରଙ୍କ ମୁଖ୍ୟ ସଚେତକ ପ୍ରହ୍ଲାଦ ଯୋଶୀ ହେବେ। ସେହିପରି ଭାଜପାର କୋଷାଧ୍ୟକ୍ଷ ହେବେ ଗୋପାଳ ସେଟ୍ଟୀ।
ସେ ଉତ୍ତର ମୁମ୍ବାଇ ଆସନରୁ କଂଗ୍ରେସ ପ୍ରାଥୀ ତଥା ଅଭିନେତ୍ରୀ ଉର୍ମିଳା ମାତୋଣ୍ଡକରଙ୍କୁ ହରାଇଦେଇଥିଲେ। ଏଠାରେ ସୂଚନା ଥାଉ କି ୨୦୧୯ ସାଧାରଣ ନିର୍ବାଚନରେ ବିଜେପି କେବଳ ଏକାକୀ ୩୦୩ ଆସନ ଜିତିଛି।