ବିଜେପି ପ୍ରକାଶ କଲା ନିର୍ବାଚନୀ ଇସ୍ତାହାର, କାହା ପାଇଁ କ’ଣ ରହିଛି ଜାଣନ୍ତୁ
ନୂଆଦିଲ୍ଲୀ: ଲୋକସଭା ନିର୍ବାଚନ ପାଇଁ ବିଜେପି ନିଜର ଇସ୍ତାହାର ପ୍ରକାଶ କରିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପସ୍ଥିତିରେ ଦଳର ମୁଖ୍ୟାଳୟରେ ବିଜେପିର ଇସ୍ତାହାର ପ୍ରକାଶ ପାଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ପାଞ୍ଚ ଲକ୍ଷ ପରାମର୍ଶ ଆଧାରରେ ବିଜେପିର ‘ସଙ୍କଳ୍ପ ପତ୍ର’ ପ୍ରସ୍ତୁତ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଏହାର ଶୀର୍ଷକ ‘ମୋଦିଙ୍କ ଗ୍ୟାରେଣ୍ଟି: ବିକଶିତ ଭାରତ ୨୦୪୭’ ରହିଛି। ଏନେଇ କେନ୍ଦ୍ର ମନ୍ତ୍ରୀ ରାଜନାଥ ସିଂଙ୍କ ଅଧ୍ୟକ୍ଷତାରେ ୨୭ ବରିଷ୍ଠ ନେତାଙ୍କ ଏକ କମିଟି ଗଠନ କରାଯାଇଥିଲା। ଏହି କମିଟି ଇସ୍ତାହାର ପ୍ରସ୍ତୁତ କରିଛି। କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଏହି କମିଟିର ସଂଯୋଜକ ଅଛନ୍ତି।
#WATCH | Bharatiya Janata Party (BJP) releases its election manifesto – 'Sankalp Patra' for the ensuing Lok Sabha polls in the presence of Prime Minister Narendra Modi, Home Minister Amit Shah, Defence Minister Rajnath Singh and party President JP Nadda.#LokSabhaElection pic.twitter.com/WVB8Km1NWJ
— ANI (@ANI) April 14, 2024
କଂଗ୍ରେସର ‘ନ୍ୟାୟ ପତ୍ର’ର ଉତ୍ତର ଦେବାକୁ ବିଜେପି ଏହାର ଇସ୍ତାହାରର ନାମ ଜ୍ଞାନ ରଖିଛି। ଜିୱାଇଏଏନ (GYAN)ର ଅର୍ଥ ହେଉଛି ଗରିବ, ଯୁବବର୍ଗ, ଅନ୍ନଦାତା ଏବଂ ନାରୀ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ବିଜେପି ସଭାପତି ଜେପି ନଡ୍ଡା, ଗୃହମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏହି ଇସ୍ତାହାର ପ୍ରକାଶ କରିଛନ୍ତି।
ପ୍ରଧାନମନ୍ତ୍ରୀ ମୋଦୀ ତାଙ୍କ ସମ୍ବୋଧନରେ କହିଛନ୍ତି ଯେ ସମଗ୍ର ଦେଶ ବିଜେପିର ଇସ୍ତାହାରକୁ ଅପେକ୍ଷା କରିଥିଲେ। ଏହା ପଛରେ ଏକ ବଡ କାରଣ ହେଉଛି ଗତ ୧୦ ବର୍ଷ ମଧ୍ୟରେ ବିଜେପି ନିଜର ଇସ୍ତାହାରର ପ୍ରତ୍ୟେକ ବିନ୍ଦୁକୁ ଏକ ଗ୍ୟାରେଣ୍ଟି ଭାବରେ କାର୍ଯ୍ୟକାରୀ କରିଛି। ଏହି ‘ସଙ୍କଳ୍ପ ପତ୍ର’ରେ ବିକଶିତ ଭାରତର ସମସ୍ତ ୪ଟି ଦୃଢ଼ ସ୍ତମ୍ଭ – ଯୁବବର୍ଗ, ନାରୀ, ଗରିବ ଏବଂ କୃଷକଙ୍କୁ ସଶକ୍ତ କରିବାକୁ ଲକ୍ଷ୍ୟ ରଖାଯାଇଛି।
ବିଜେପିର ଇସ୍ତାହାରରେ ରହିଛି ଏସବୁ:
- ରୋଜଗାର ଗ୍ୟାରେଣ୍ଟି
- ୨୦୩୬ ରେ ଅଲିମ୍ପିକ୍ସ ଆୟୋଜନ
- ୩ କୋଟି ଲକ୍ଷପତି ଦିଦି କରିବାକୁ ଲକ୍ଷ୍ୟ
- ମହିଳା ସଂରକ୍ଷଣ କାର୍ଯ୍ୟକାରୀ କରିବାକୁ ପ୍ରତିଜ୍ଞା କୃଷି ଭିତ୍ତିଭୂମି ବିକାଶ
- ମତ୍ସ୍ୟଜୀବୀଙ୍କ ପାଇଁ ଯୋଜନା
- ଇ-ଶ୍ରମ ମାଧ୍ୟମରେ କଲ୍ୟାଣ ଯୋଜନା
- ଯୋଗର ସରକାରୀ ପ୍ରମାଣପତ୍ର ପ୍ରଦାନ
- ୨୦୨୫ ଆଦିବାସୀ ଗର୍ବ ବର୍ଷ
- ପ୍ରତ୍ୟେକ କ୍ଷେତ୍ରରେ ଓବିସି, ଏସସି ଏବଂ ଏସଟିଙ୍କ ପାଇଁ ସମ୍ମାନ
- ବିଶ୍ୱ ଉତ୍ପାଦନ ହବ୍ ସୃଷ୍ଟି ପାଇଁ ପ୍ରସ୍ତୁତି
- ସାରା ବିଶ୍ୱରେ ରାମାୟଣ ପର୍ବ ପାଳନ କରାଯିବ
- ଅଯୋଧ୍ୟାର ବିକାଶ
- ଗୋଟିଏ ଦେଶ, ଗୋଟିଏ ନିର୍ବାଚନ
- ରେଳବାଇରେ ଅପେକ୍ଷା ତାଲିକାର ସମସ୍ୟା ଦୂର କରାଯିବ
- ଉତ୍ତର ପୂର୍ବ ଭାରତର ବିକାଶ
- ସେମିକଣ୍ଡକ୍ଟର ଏବଂ ସ୍ପେସ୍ ସେକ୍ଟରରେ ବିକାଶ କରିବା ଲକ୍ଷ୍ୟ