ନୂଆଦିଲ୍ଲୀ: ବିହାର ନିର୍ବାଚନ ପାଇଁ ସରଗରମ ହୋଇଛି ରାଜନୀତି। ବିହାରରେ ମାଗଣା କରୋନା ଟିକା ଦେବା ପାଇଁ ବିଜେପି ନୂଆ ଘୋଷଣା ପତ୍ର ଜାରି କରିବା ପରେ ବିବାଦ ଦେଖାଦେଇଛି ।
Sambad is now on WhatsApp
Join and get latest news updates delivered to you via WhatsApp
ଅର୍ଥମନ୍ତ୍ରୀ ନିର୍ମଳା ସୀତାରମଣ ଘୋଷଣା ପତ୍ର ଜାରି କରି କହିଛନ୍ତି, ଏନଡିଏ କ୍ଷମତାକୁ ଆସିଲେ ସମସ୍ତଙ୍କୁ ମାଗଣାରେ କୋଭିଡ ଟିକା ଦିଆଯିବ । ଏଥିସହ ବିଜେପି ୧୯ଲକ୍ଷ ନିଯୁକ୍ତି ଦେବା ପାଇଁ ମଧ୍ୟ ଘୋଷଣା ପତ୍ର ଜାରି କରାଯାଇଛି।
ତେବେ ମାଗଣା କୋଭିଡ ଟିକା ପ୍ରସଙ୍ଗକୁ ସହଜରେ ଗ୍ରହଣ କରିପାରି ନାହାନ୍ତି ବିରୋଧୀ । ତେଜସ୍ୱୀ ଯାଦବଙ୍କ ରାଷ୍ଟ୍ରୀୟ ଜନତା ଦଳ କହିଛି କୋଭିଡ ଟିକା କୌଣସି ଦଳର ନୁହେଁ ଏହା ଦେଶର ସମ୍ପତ୍ତି । ସେହିପରି ଆମ ଆଦମୀ ପାର୍ଟି ଟ୍ୱିଟ କରି ପ୍ରଶ୍ନ କରିଛି, ଅଣ ବିଜେପି ଶାସିତ ରାଜ୍ୟଗୁଡିକରେ ତାହେଲେ କ’ଣ ହେବ ?
ସେପଟେ ନ୍ୟାସନାଲ କନଫରେନ୍ସ ନେତା ଉମର ଅବଦୁଲ୍ଲା କହିଛନ୍ତି ବିଜେପି କ’ଣ ମାଗଣା ଟିକା, ଦଳୀୟ ପାଣ୍ଠିରୁ ଦେବ? କୋଭିଡ ଟିକା ତିଆରି ପାଇଁ ଅନେକ ଦେଶ ଲାଗି ପଡିଛନ୍ତି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଟିକା ପ୍ରସ୍ତୁତ ହୋଇନାହିଁ । ଆଗାମୀ ବର୍ଷ ପ୍ରଥମ ଭାଗରେ ଟିକା ପ୍ରସ୍ତୁତ ହୋଇଯିବ ବୋଲି କୁହାଯାଉଛି । କିନ୍ତୁ ଏହାରି ଭିତରେ ବିହାରରେ ଏହା ରାଜନୈତିକ ପ୍ରସଙ୍ଗ ପାଲଟିଯାଇଛି ।