ପତ୍ନୀଙ୍କୁ ହତ୍ୟାକରି ବିଜେପି ନେତାଙ୍କ ଆତ୍ମହତ୍ୟା
ପାଟନା : ବିହାରର ଜଣେ ବିଜେପି ନେତା ତାଙ୍କ ପତ୍ନୀଙ୍କୁ ଗୁଳି କରି ହତ୍ୟା କରିବା ପରେ ନିଜେ ଆତ୍ମହତ୍ୟା କରିଛନ୍ତି। ଗୁରୁବାର ରାତିରେ ମୁଙ୍ଗେର ଜିଲ୍ଲାର କୋତୱାଲି ଥାନାର ଲାଲ ଦରୱାଜା ଅଞ୍ଚଳରେ ଏହି ଅଭାବନୀୟ କାଣ୍ଡ ଘଟିଛି। ଗୁଳି ଶବ୍ଦ ଶୁଣି ସ୍ଥାନୀୟ ଲୋକେ ପୁଲିସକୁ ଖବର ଦେଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା। ଏହି ଦମ୍ପତିଙ୍କ ଶୋଇବା ଘରୁ ପୁଲିସ ଦୁଇଟି ଦେଶୀ ବନ୍ଧୁକ ଉଦ୍ଧାର କରିଛି।
Sambad is now on WhatsApp
Join and get latest news updates delivered to you via WhatsApp
ମୃତକଙ୍କ ନାମ ଅରୁଣ ଯାଦବ ଓରଫ ବଡ଼ବାବୁ (ବିଜେପି ଓବିସି ମୋର୍ଚ୍ଚାର ମୁଙ୍ଗେର ଜିଲ୍ଲା ଉପାଧ୍ୟକ୍ଷ) ଏବଂ ତାଙ୍କ ପତ୍ନୀ ପ୍ରୀତି କୁମାରୀ ବୋଲି ଜଣାପଡିଛି। ଆଗାମୀ ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନରେ ପ୍ରୀତି ମେୟର ପ୍ରାର୍ଥୀ ହୋଇଥାନ୍ତେ। ପଡ଼ୋଶୀଙ୍କ କହିବାନୁଯାୟୀ, ଗତକାଲି ସନ୍ଧ୍ୟାରେ କୌଣସି କାରଣରୁ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା। ଅରୁଣ ପ୍ରୀତିଙ୍କୁ ଗୁଳି କରିବା ପରେ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତି।