ଝିଅ ହେବ ତ ରୋହିଣୀଙ୍କ ପରି, ଆଗାମୀ ପିଢ଼ି ପାଇଁ ସେ ଉଦାହରଣ ବୋଲି କହିଲେ ବରିଷ୍ଠ ବିଜେପି ନେତା
ନୂଆଦିଲ୍ଳୀ: ରାଷ୍ଟ୍ରୀୟ ଜନତା ଦଳ(ଆର୍ଜେଡି) ସୁପ୍ରିମୋ ଲାଲୁ ପ୍ରସାଦ ଯାଦବଙ୍କର ଗତକାଲି ସିଙ୍ଗାପୁରରେ କିଡ୍ନି ପ୍ରତ୍ୟାରୋପଣ ହୋଇଯାଇଛି। ତାଙ୍କୁ କିଡ୍ନି ଦାନ କରିଛନ୍ତି ତାଙ୍କ ସାନ ଝିଅ ରୋହିଣୀ ଆଚାର୍ଯ୍ୟ। ରୋହିଣୀ ନିଜ ବାପାଙ୍କ ଜୀବନ ବଞ୍ଚାଇବାକୁ ଏତେ ବଡ଼ ତ୍ୟାଗ କରିଥିବାରୁ ତାଙ୍କୁ ବିଭିନ୍ନ ଆଡୁ ପ୍ରସଂଶା ମିଳିବାରେ ଲାଗିଛି।
Sambad is now on WhatsApp
Join and get latest news updates delivered to you via WhatsApp
ରୋହିଣୀଙ୍କ ପ୍ରଶଂସା କରି ବିଜେପିର ବରିଷ୍ଠ ନେତା ଗିରିରାଜ୍ ସିଂହ ଏକ ଟ୍ବିଟ୍ କରି ଲେଖିଛନ୍ତି, ‘ଝିଅ ହେବ ତ ରୋହିଣୀ ଆଚାର୍ଯ୍ୟଙ୍କ ପରି। ଆପଣଙ୍କକୁ ନେଇ ମୁଁ ଗର୍ବ କରୁଛି। ଆସନ୍ତା ପିଢ଼ିଙ୍କ ପାଇଁ ଆପଣ ଉଦାହରଣ ବନିବେ।’
“बेटी हो तो रोहणी आचार्य जैसी” गर्व है आप पर… आप उदाहरण होंगी आने वाले पीढ़ियों के लिए । pic.twitter.com/jzg3CTSmht
— Shandilya Giriraj Singh (@girirajsinghbjp) December 5, 2022
ଗତକାଲି ଲାଲୁ ଯାଦବଙ୍କ ପୁଅ ତେଜ୍ବସୀ ଯାଦବ ଏକ ଟ୍ବିଟ୍ କରି ଲେଖିଥିଲେ ‘ପାପାଙ୍କର କିଡ୍ନି ପ୍ରତ୍ୟାରୋପଣ ଅପରେସନ ସଫଳତାର ସହ ହେବା ପରେ ତାଙ୍କୁ ଓଟିରୁ ଆଇସିୟୁକୁ ସ୍ଥାନାନ୍ତର କରାଯାଇଛି। ଡୋନର୍ ବଡ଼ ଭଉଣୀ ରୋହିଣୀ ଆଚାର୍ଯ୍ୟ ଓ ଆରଜେଡି ସୁପ୍ରିମୋ ଦୁହେଁ ସୁସ୍ଥ ଅଛନ୍ତି। ଆପଣମାନଙ୍କ ପ୍ରାର୍ଥନା ଓ ଶୁଭେଚ୍ଛା ପାଇଁ ସାଧୁବାଦ ଜଣାଉଛି।
पापा का किडनी ट्रांसप्लांट ऑपरेशन सफलतापूर्वक होने के बाद उन्हें ऑपरेशन थियेटर से आईसीयू में शिफ्ट किया गया।
डोनर बड़ी बहन रोहिणी आचार्य और राष्ट्रीय अध्यक्ष जी दोनों स्वस्थ है। आपकी प्रार्थनाओं और दुआओं के लिए साधुवाद। 🙏🙏 pic.twitter.com/JR4f3XRCn2
— Tejashwi Yadav (@yadavtejashwi) December 5, 2022
୭୪ବର୍ଷୀୟ ଲାଲୁ ଅନେକ ସ୍ବାସ୍ଥ୍ୟସମସ୍ୟାରେ ଜଡ଼ିତ ରହିଥିଲେ। ନିକଟ ଅତୀତରେ ସେ କିଡନୀ ପ୍ରତିରୋପଣ ପାଇଁ ସିଙ୍ଗାପୁରରେ ପହଞ୍ଚିଥିଲେ। ସିଙ୍ଗାପୁରରେ ରହୁଥିବା ଝିଅ ରୋହିଣୀ ବାପାଙ୍କୁ ଗୋଟିଏ କିଡନୀ ଦାନ କରିବେ ବୋଲି ନିଷ୍ପତ୍ତି ନେବା ପରେ ଦେଶର ସମସ୍ତ ଝିଅମାନଙ୍କ ପାଇଁ ଆଦର୍ଶ ବନିଛନ୍ତି।