ଭୋପାଳ : ମଧ୍ୟପ୍ରଦେଶ ବିଜେପି ନେତା ବୈଜନାଥ ସିଂହ ଗୁରୁବାର ଦିନ କଂଗ୍ରେସରେ ଯୋଗ ଦେଇଛନ୍ତି। ତେବେ କଂଗ୍ରେସକୁ ଘର ବାହୁଡ଼ା ପୂର୍ବରୁ ସେ ଶକ୍ତି ପ୍ରଦର୍ଶନ କରିଛନ୍ତି। ଶିବପୁରୀରୁ ଭୋପାଳ ପର୍ଯ୍ୟନ୍ତ ସିଂହ ୪୦୦ କାର୍‌ ସହ ସାଇରନ୍‌ ବଜାଇ ଆସିଛନ୍ତି। ଶିବପୁରୀରୁ ଭୋପାଳ ହେଉଛି ୩୦୦ କିମି ଦୂର। ୨୦୨୦ରେ ଜ୍ୟୋତିରାଦିତ୍ୟ ସିନ୍ଧିଆ କଂଗ୍ରେସ ବିରୋଧରେ ବିଦ୍ରୋହ କରି ବିଜେପିରେ ଯୋଗ ଦେବା ସମୟରେ ବୈଜନାଥ ସିଂହ ମଧ୍ୟ ବିଜେପିରେ ଯୋଗ ଦେଇଥିଲେ। ତେବେ ଅଗାମୀ ବିଧାନସଭା ନିର୍ବାଚନରେ ତାଙ୍କୁ ଟିକେଟ ମିଳିବନି ବୋଲି ଜାଣିବାପରେ ସେ କଂଗ୍ରେସକୁ ଫେରିବାପାଇଁ ନିଷ୍ପତ୍ତି ନେଲେ। ବରିଷ୍ଠ କଂଗ୍ରେସ ନେତା କମଳନାଥ ଏବଂ ଦିଗବିଜୟ ସିଂହ ଆଜି ବୈଜନାଥ ସିଂହଙ୍କୁ ଦଳକୁ ସ୍ବାଗତ କରିଛନ୍ତି। ବୈଜନାଥ ସିଂହଙ୍କ ସହ ୧୫ ଜିଲ୍ଲାସ୍ତରୀୟ ନେତା ବିଜେପି ଛାଡ଼ି କଂଗ୍ରେସରେ ଯୋଗ ଦେଇଛନ୍ତି।