ଏୟାର ଷ୍ଟ୍ରାଇକ୍କୁ ନେଇ ବିଜେପି ବିଧାୟକଙ୍କ ବୟାନ : ଭାରତୀୟ ବାୟୁସେନାକୁ ୨ମିନିଟ୍ ଅଧିକ ମିଳିଥିଲେ ସେମାନେ ଲାହୋରରେ ଜାତୀୟ ପତାକା ଉଡ଼ାଇ ଦେଇଥାନ୍ତେ
ନୂଆଦିଲ୍ଲୀ: ନିର୍ବାଚନର ତାରିଖ ଘୋଷଣା ହେବା ପରେ ସବୁ ଦଳର ନେତାମାନଙ୍କର ବୟାନବାଜି ଆରମ୍ଭ ହୋଇ ଯାଇଛି । ପରସ୍ପର ବିରୋଧରେ ମନ୍ତବ୍ୟ ଦେବା ସହ ନିଜ ଦଳର ପ୍ରଶଂସା କରୁଥିବା ଦେଖା ଯାଉଛି । ଖାସ୍ କରି ବିଜେପି ବାଲାକୋଟ୍ରେ କରାଯାଇଥିବା ଏୟାର ଷ୍ଟ୍ରାଇକ୍ର ଶ୍ରେୟ ନେବାକୁ ପ୍ରୟାସ ଜାରି ରଖିଥିବା ବେଳେ ଅନ୍ୟ ଦଳମାନେ ଏହାକୁ ବିରୋଧ କରୁଥିବା ଦେଖା ଯାଉଛି । ତେବେ ଏତେ ସବୁ ବୟାନବାଜି ମଧ୍ୟରେ ବିଜେପି ବିଧାୟକ ସଙ୍ଗୀତ୍ ସୋମ୍ ଏୟାର ଷ୍ଟ୍ରାଇକ୍କୁ ନେଇ ଯେଉଁଭଳି ଭାବରେ ବୟାନ ଦେଇଛନ୍ତି ତା’କୁ ନେଇ ଚର୍ଚ୍ଚା ଜୋର ଧରିଛି । ଉତ୍ତରପ୍ରଦେଶର ଶାମ୍ଲୀକୁ ଏକ ସଭାରେ ଯୋଗ ଦେବାକୁ ଯାଇଥିବା ବେଳେ ସଙ୍ଗୀତ୍ ବାଲାକୋଟ୍ରେ କରାଯାଇଥିବା ଏୟାର ଷ୍ଟ୍ରାଇକ୍କୁ ନେଇ ନିଜର ମତ ରଖିଥିଲେ ।
Sambad is now on WhatsApp
Join and get latest news updates delivered to you via WhatsApp
Balakot (where air strike happened) is very close to Lahore. It is so close that had our forces stayed for two more minutes, I am sure we would have hoisted flag in Lahore: BJP MLA Sangeet Som in UP’s Shamli pic.twitter.com/bTMAUXAyES
— Piyush Rai (@Benarasiyaa) March 17, 2019
“ବାଲାକୋଟ୍ର ଯେଉଁ ପର୍ଯ୍ୟନ୍ତ ଆମ ବାୟୁସେନା ପହଞ୍ଚିଥିଲା, ସେହି ଅଞ୍ଚଳ ଲାହୋରର ବହୁତ ପାଖରେ । ଏତେ ପାଖରେ କି, ଯଦି ଆମ ବାୟୁସେନା ୨ମିନିଟ୍ ଅଧିକ ରହିଥାନ୍ତେ, ତା’ହେଲେ ଲାହୋରରେ ଭାରତର ଜାତୀୟ ପତାକା ଉଡ଼ାଇବାରେ ସଫଳ ହୋଇ ପାରିଥାନ୍ତେ” ବୋଲି ଲୋକମାନଙ୍କୁ ସମ୍ବୋଧନ କରି କହିଥିଲେ ବିଜେପି ବିଧାୟକ ସଙ୍ଗୀତ୍ ସୋମ୍ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।