ଭାଷଣ ମଝିରେ ସୁଷମା ସ୍ୱରାଜଙ୍କ ନାଁ ଭୁଲିଗଲେ ବିଜେପି ସାଂସଦ
ଲକ୍ଷ୍ନୌ : କାନପୁରରୁ ଥିବା ଭାରତୀୟ ଜନତା ପାର୍ଟିର ସାଂସଦ ଭାଷଣ ମଝିରେ ପୂର୍ବତନ ବୈଦେଶିକ ମନ୍ତ୍ରୀ ଦିବଂଗତ ସୁଷମା ସ୍ୱରାଜଙ୍କ ନାଁ ଭୁଲିଯିବା ଘଟଣା ଏବେ ଆଲୋଚନାର ବିଷୟ ପାଲଟିଛି । ମଙ୍ଗଳବାର ସୁଷମା ସ୍ୱରାଜ ଦିଲ୍ଲୀର ଏମ୍ସରେ ନିଜର ଶେଷ ନିଶ୍ୱାସ ତ୍ୟାଗ କରିବା ପରେ ସାରା ଦେଶରେ କୋହର ବାତାବରଣ ସୃଷ୍ଟି ହୋଇଥିଲା । ତାଙ୍କ ବିଷୟରେ କହିବାକୁ ଯାଇ ବିଜେପି ସାଂସଦ ସତ୍ୟଦେବ ପଚୌରୀ ତାଙ୍କ ନାଁ ଭୁଲି ଯାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ନିଜ ଭାଷଣରେ, ଯାହାଙ୍କ ମୃତ୍ୟୁ ହେଲା ଏବେ, ତାଙ୍କ ନାଁ କ’ଣ ଥିଲା? ଏମିତି କହି ତଳକୁ ଦେଖିବାକୁ ଲାଗିଲେ ସତ୍ୟଦେବ । ଏହା ପରେ ପଛରୁ ଜଣେ ତାଙ୍କୁ ସୁଷମା ସ୍ୱରାଜଙ୍କ ନାଁ କହିଥିଲେ । ଜମ୍ମୁ-କଶ୍ମୀରରୁ ୩୭୦ ଧାରା ଉଚ୍ଛେଦ ହେବା ପରେ ପ୍ରଥମ ଥର ପାଇଁ ନିଜ ସଂସଦୀୟ କ୍ଷେତ୍ର ଆସିଥିଲେ ସାଂସଦ ସତ୍ୟଦେବ ପଚୌରୀ । ତାଙ୍କୁ ସ୍ୱାଗତ କରି ମିଠା ବଣ୍ଟାଯିବା ସହ ଏକ ବୈଠକ ରଖାଯାଇଥିଲା । ଯାହା ପରେ ସେ ଲୋକମାନଙ୍କୁ ସମ୍ବୋଧନ କରି ଭାଷଣ ଦେବା ଆରମ୍ଭ କରିଥିଲେ । ଜମ୍ମୁ-କଶ୍ମୀରରୁ ୩୭୦ ଧାରା ଉଚ୍ଛେଦ ବିଷୟରେ ଅଲୋଚନା କରି ଏହି ଧାରା ଉଚ୍ଛେଦ ପାଇଁ ପ୍ରଥମେ ଶ୍ରୀମତି…..ବୋଲି କହି ଅଟକି ଯାଇଥିଲେ ପଚୌରୀ । ସୁଷମା ସ୍ୱରାଜଙ୍କ ନାଁ ତାଙ୍କର ମନେ ପଡ଼ି ନଥିଲା । ପଛପଟୁ ଜଣେ କହିବା ପରେ ସେ ନିଜ ଭାଷଣକୁ ଆଗକୁ ବଢ଼ାଇଥିଲେ ।