ଜେଲ୍ରେ ମୋ ସହ ଅତ୍ୟାଚାର କରାଯାଇଛି, ମୁଁ କେବେ ହେଲେ କ୍ଷମା ମାଗିବି ନାହିଁ : ପ୍ରିୟଙ୍କା ଶର୍ମା
କୋଲକାତା : ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କ ଫଟୋ ଏଡିଟ୍ କରି ଗିରଫ ହୋଇଥିଲେ ବିଜେପି ନେତ୍ରୀ ପ୍ରିୟଙ୍କା ଶର୍ମା । ତେବେ ମଙ୍ଗଳବାର ଏହି ମାମଲା ଉପରେ ଶୁଣାଣି କରି ସୁପ୍ରିମ କୋର୍ଟ ଗିରଫ ହୋଇଥିବା ବିଜେପି ନେତ୍ରୀଙ୍କୁ ତୁରନ୍ତ ଛାଡ଼ିବା ପାଇଁ ଆଦେଶ ଦେଇଥିଲେ । ସୁପ୍ରିମ କୋର୍ଟଙ୍କ ଆଦେଶ ପରେ ପ୍ରିୟଙ୍କା ବୁଧବାର ଜାମିନରେ ବାହାରକୁ ଆସି ସାରିଥିବା ଜଣା ପଡ଼ିଛି । ତେବେ ବାହାରକୁ ଆସିବା ପରେ ସେ ନିଜ ସୋସିଆଲ ମିଡିଆ ପୋଷ୍ଟ ପାଇଁ କ୍ଷମା ମାଗିବେ ନାହିଁ ବୋଲି ସ୍ପଷ୍ଟ କରିଛନ୍ତି । ମୋତେ କ୍ଷମା ପତ୍ର ଲେଖିବା ପାଇଁ ବାଧ୍ୟ କରାଯାଇଥିଲା । କିନ୍ତୁ ମୁଁ ମୋର ସୋସିଆଲ ମିଡିଆ ପୋଷ୍ଟ ପାଇଁ କାହାକୁ ବି କ୍ଷମା ମାଗିବି ନାହିଁ । ମୁଁ କ୍ଷମା ମାଗିବା ଭଳି କୌଣସି କାମ କରି ନାହିଁ । ମୋତେ କୌଣସି ହାନିକାରକ ନଥିବା ପୋଷ୍ଟ ପାଇଁ ୫ଦିନ ଜେଲରେ ବନ୍ଦୀ କରାଯିବା ସହ ଅତ୍ୟାଚାର କରାଯାଇଥିଲା ବୋଲି କହିଛନ୍ତି ପ୍ରିୟଙ୍କା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ଦିନ ତଳେ ମେଟ୍ ଗାଲା ୨୦୧୯ରେ ଥିବା ପ୍ରିୟଙ୍କାଙ୍କ ଲୁକ୍ ସାମ୍ନାକୁ ଆସିବା ପରେ ଲୋକେ ଟ୍ରୋଲ କରିବା ସହ ବୀରପ୍ପନଙ୍କ ନିଶ ସହ ପ୍ରିୟଙ୍କାଙ୍କ କେଶ ସଜ୍ଜାକୁ ତୁଳନା କରିଥିଲେ । ଏହା ସହ ହାଓ୍ଵଡ଼ା ଜିଲ୍ଲାର ବିଜେପି ଯୁବା ମୋର୍ଚ୍ଚାର ମୁଖ୍ୟ ପ୍ରିୟଙ୍କାଙ୍କ ମେଟ୍ ଗାଲା ଫଟୋକୁ ଏଡିଟ୍ କରି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କ ମୁହଁ ଲଗାଇଥିବାରୁ ତାଙ୍କୁ ଗିରଫ କରାଯାଇଥିଲା । ମହିଳାଜଣଙ୍କ ଫଟୋ ଏଡିଟ୍ କରି ସୋସିଆଲ ମିଡିଆରେ ସେୟାର କରିଥିଲେ । ଯାହା ଧିରେ ଧିରେ ଭାଇରାଲ ହୋଇଥିଲା । ଫଟୋ ଭାଇରାଲ ହେବା ପରେ ଦାସନଗର ପୁଲିସ ଷ୍ଟେସନରେ ତାଙ୍କ ବିରୋଧରେ ଏତଲା ରୁଜୁ କରି ତାଙ୍କୁ ଗିରଫ କରିଥିଲା ।