ଅତିଶୀଙ୍କୁ ୩ଟି ବଙ୍ଗଳା ଦିଆଯାଇଛି : ଆପକୁ ବିଜେପିର ଜବାବ

ନୂଆଦିଲ୍ଲୀ: ଦିଲ୍ଲୀରେ ନିର୍ବାଚନ ଘୋଷଣା ସହ ରାଜନୈତିକ ଦଳଙ୍କ ମଧ୍ୟରେ ବୟାନବାଜୀ ଚରମରେ ପହଞ୍ଚିଛି । ବିଜେପି ତାଙ୍କୁ ଦିଆଯାଇଥିବା ମୁଖ୍ୟମନ୍ତ୍ରୀ ଆବାସ ବାତିଲ କରିଥିବା ଦିଲ୍ଲୀ ମୁଖ୍ୟମନ୍ତ୍ରୀ ଅତିଶୀ ମାର୍ଲେନା ଅଭିଯୋଗ କରିବା ପରେ ତାହାର ଜବାବ ରଖିଛି ବିଜେପି ।

ବିଜେପି ନେତା ତଥା ଦଳର ଆଇଟି ସେଲ୍ ମୁଖ୍ୟ ଅମିତ ମାଲବ୍ୟ ମୁଖ୍ୟମନ୍ତ୍ରୀ ଆତିଶୀଙ୍କ ବୟାନକୁ ସିଧାସଳଖ ପ୍ରତ୍ୟାଖ୍ୟାନ କରିଛନ୍ତି। ଅମିତ ମାଲବ୍ୟ ଏକ ପୋଷ୍ଟରେ ଲେଖିଛନ୍ତି, ଅରବିନ୍ଦ କେଜ୍ରିୱାଲଙ୍କ 'ଶିଷ୍ୟ' ଏବଂ ଦିଲ୍ଲୀ ମୁଖ୍ୟମନ୍ତ୍ରୀ ଆତିଶୀଙ୍କ ମିଥ୍ୟା ଦାବି ପଦାକୁ ଆସିଛି। ପ୍ରଥମତଃ ସେମାନଙ୍କୁ ଉଚ୍ଛେଦ କରାଯାଇ ନାହିଁ। ଦ୍ବିତୀୟତଃ, ୨୦୨୪ ଅକ୍ଟୋବର ୧୧ତାରିଖରେ ତାଙ୍କୁ ଦିଆଯାଇଥିବା ଶୀଷ ମହଲ (ସିଏମ୍ ବାସଭବନ)କୁ ସେ କେବେ ଯାଇ ନଥିଲେ। ଆତିଶୀଙ୍କର ୧୭ ଏବି ମଥୁରା ରୋଡରେ ଏକ ସରକାରୀ ବାସଭବନ ରହିଛି ଏବଂ ତାଙ୍କୁ ଅନ୍ୟ ଦୁଇଟି ବିଳାସପୂର୍ଣ୍ଣ ବଙ୍ଗଳା ଅଫର କରାଯାଇଛି।

ଅମିତ ମାଲବ୍ୟ ଆହୁରି ଲେଖିଛନ୍ତି, ଶୀଶ ମହଲର ଆବଣ୍ଟନ ପ୍ରତ୍ୟାହାର କରାଯାଇଛି। ଏହାର କାରଣ ହେଉଛି: ଆବଣ୍ଟନର ଏକ ସପ୍ତାହ ମଧ୍ୟରେ ସେମାନଙ୍କୁ ସେମାନଙ୍କ ସେଠାରେ ରହିବାର ଘୋଷଣା କରିବାକୁ ପଡ଼ିବ, କିନ୍ତୁ ନିୟମ ଉଲ୍ଲଂଘନ କରି ତିନି ମାସ ପରେ ମଧ୍ୟ (ମୁଖ୍ୟମନ୍ତ୍ରୀଙ୍କ ବାସଭବନରେ ରହିବାର ଅଧିକାର ଘୋଷଣା) ଏହା କରିବାରେ ବିଫଳ ହୋଇଛନ୍ତି।