କେଜ୍ରିଓ୍ବାଲ ହେଉଛନ୍ତି ‘ନିର୍ବାଚନୀ ହିନ୍ଦୁ’: ବିଜେପି

ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ଆଉ ଦୂରରେ ନାହିଁ, କିନ୍ତୁ ଆମ୍ ଆଦମୀ ପାର୍ଟି ଏବଂ ଭାରତୀୟ ଜନତା ପାର୍ଟି ମଧ୍ୟରେ ବିବାଦ ଥମିବାର ନାଁ ନେଉନାହିଁ। ଉଭୟ ଦଳର ନେତାମାନେ ପରସ୍ପର ବିରୋଧରେ ଜୋରଦାର ଆକ୍ରମଣ ଆରମ୍ଭ କରିଦେଇଛନ୍ତି। ଏବେ ଦୁଇ ଦଳ ମଧ୍ୟରେ ପୋଷ୍ଟର ଯୁଦ୍ଧ ଆରମ୍ଭ ହୋଇଛି । ଆମ୍ ଆଦମୀ ପାର୍ଟି (ଆପ୍) ମୁଖ୍ୟ ଅରବିନ୍ଦ କେଜ୍ରିଓ୍ବାଲଙ୍କୁ ନିର୍ବାଚନୀ ହିନ୍ଦୁ ବୋଲି କହି ଭାରତୀୟ ଜନତା ପାର୍ଟି (ବିଜେପି) ତାଙ୍କୁ କଡ଼ା ସମାଲୋଚନା କରିଛି।

ବିଜେପି ସୋସିଆଲ ମିଡିଆରେ ଲେଖିଛି ଯେ “ଗତ ୧୦ ବର୍ଷ ଧରି ଆପ୍ ଇମାମମାନଙ୍କୁ ଦରମା ବଣ୍ଟନ କରିଚାଲିଛି। କେଜ୍ରିଓ୍ବାଲ ନିଜେ ଏବଂ ତାଙ୍କ ଜେଜେମା ଭଗବାନ ଶ୍ରୀରାମଙ୍କ ମନ୍ଦିର ନିର୍ମାଣରେ ଖୁସି ନଥିଲେ । ସେ ମନ୍ଦିର ଓ ଗୁରୁଦ୍ୱାର ବାହାରେ ମଦ ଦୋକାନ ଖୋଲିଥିଲେ। ଯାହାର ପୂରା ରାଜନୀତି ହିନ୍ଦୁ ବିରୋଧୀ ଥିଲା । କିନ୍ତୁ ନିର୍ବାଚନ ଆସିବା ମାତ୍ରେ ସେ ଏବେ ତାଙ୍କର ଗ୍ରନ୍ଥି ଓ ପୂଜକମାନଙ୍କ କଥା ମନେ ପଡ଼ିଲା ?”

ବିଜେପିର ଏହି ପୋଷ୍ଟରର ଜବାବରେ ଆପ କହିଛି ଯେ ଯଦି ବିଜେପିର ସାହସ ଅଛି, ତେବେ ଦଳ କେଜ୍ରିୱାଲଙ୍କ ଖୋଲା ଚ୍ୟାଲେଞ୍ଜକୁ ଗ୍ରହଣ କରୁ।