ମଧ୍ୟପ୍ରଦେଶ ଉପ-ନିର୍ବାଚନରେ ବିଜେପିର ବିପୁଳ ବିଜୟ, ୯ଟିରେ ବିଜୟ, ୧୦ଟିରେ ଆଗୁଆ, ସୁରକ୍ଷିତ ରହିଲା ଶିବରାଜ ସରକାର
ଭୋପାଳ : ମଧ୍ୟପ୍ରଦେଶରେ ୨୮ଟି ଆସନ ପାଇଁ ହୋଇଥିବା ଉପନିର୍ବାଚନରେ ବିଜେପି ବିପୁଳ ସଫଳତା ହାସଲ କରିଛି । ଭାରତୀୟ ନିର୍ବାଚନ ଆୟୋଗ ଦ୍ୱାରା ପ୍ରଦତ୍ତ ତଥ୍ୟ ଅନୁସାରେ ବିଜେପି ୯ଟି ଆସନରେ ଜିତିଛି ଓ ଆଉ ୧୦ଟି ଆସନରେ ଆଗୁଆ ରହିଛି । କଂଗ୍ରେସ ଗୋଟିଏ ଆସନରେ ଜିତିଛି ଓ ୮ଟି ଆସନରେ ଆଗୁଆ ଅଛି ।
Sambad is now on WhatsApp
Join and get latest news updates delivered to you via WhatsApp
ଏହି ବିଜୟ ସହ କଂଗ୍ରେସ ତ୍ୟାଗ କରି ବିଜେପିରେ ମିିଶିଥିବା ଜ୍ୟୋତିରାଦିତ୍ୟ ସିନ୍ଧିଆଙ୍କ ପ୍ରଭାବ ରାଜ୍ୟ ରାଜନୀତିରେ ବୃଦ୍ଧି ପାଇଛି ।
ଚଳିତ ବର୍ଷ ଆରମ୍ଭରେ ମଧ୍ୟପ୍ରଦେଶରେ ଜ୍ୟୋତିରାଦିତ୍ୟ ସିନ୍ଧିଆଙ୍କ ନେତୃତ୍ବରେ ୨୫ ଜଣ କଂଗ୍ରେସ ବିଧାୟକ ଦଳ ଛାଡିବା ପରେ ରାଜ୍ୟରେ ଥିବା କମଳନାଥ ସରକାରର ପତନ ହୋଇଥିଲା । ସେହିପରି ଆଉ ୩ ଜଣ ବିଧାୟକଙ୍କ ମୃତ୍ୟୁପରେ ରାଜ୍ୟ ବିଧାନସଭାରେ ମୋଟ ୨୮ଟି ଆସନ ଖାଲି ପଡ଼ିଛି । ୨୦୧୮ ନିର୍ବାଚନରେ ଏହି ୨୮ଟି ଆସନ ମଧ୍ୟରୁ କଂଗ୍ରେସ ୨୭ଟି ଆସନ ଜିତିଥିଲା ।
୨୩୦ ସଦସ୍ୟ ବିଶିଷ୍ଟ ମଧ୍ୟପ୍ରଦେଶ ବିଧାନସଭାରେ ବିଜେପିର ଏବେ ୧୦୭ ଜଣ ବିଧାୟକ ଅଛନ୍ତି । ଉପ-ନିର୍ବାଚନ ପରେ ସରକାର ବଞ୍ଚାଇବାକୁ ବିଜେପିକୁ ଆଉ ୯ ଜଣ ବିଧାୟକଙ୍କ ସମର୍ଥନ ଦରକାର । ଅନ୍ୟପକ୍ଷରେ କଂଗ୍ରେସର ଏବେ ୮୮ ଜଣ ବିଧାୟକ ଥିବାବେଳେ ସରକାର ଗଢିବାକୁ ସମସ୍ତ ୨୮ଟି ଆସନରେ ଜିତିବାକୁ ହେବ ।