ଅରୁଣାଚଳ ପ୍ରଦେଶରେ ୧୦ ଆସନରେ ବିଜେପିର ନିର୍ବିରୋଧ ବିଜୟ, ସିକ୍କିମ୍‌ରେ କଡ଼ା ମୁକାବିଲା

ଇଟାନଗର/ଗାଙ୍ଗଟକ: ଦେଶରେ ଲୋକସଭା ନିର୍ବାଚନ ୨୦୨୪ର ଫଳାଫଳ ଜୁନ୍ ୪ ରେ ଆସିବ, କିନ୍ତୁ ଏହାପୂର୍ବରୁ ଅରୁଣାଚଳ ପ୍ରଦେଶ ଏବଂ ସିକ୍କିମ୍ ବିଧାନସଭା ନିର୍ବାଚନ ଫଳାଫଳ ଉପରେ ସମସ୍ତଙ୍କ ନଜର ରହିଛି। ଉଭୟ ରାଜ୍ୟରେ ଭୋଟ୍ ଗଣତି ଆରମ୍ଭ ହୋଇଛି। ପୂର୍ବରୁ ଅରୁଣାଚଳ ପ୍ରଦେଶର ୬୦ଟି ବିଧାନସଭା ଆସନ ମଧ୍ୟରୁ ବିଜେପି ନିର୍ବିରୋଧ ଭାବେ ୧୦ ଆସନ ଜିତି ସାରିଛି।

ସେଥିମଧ୍ୟରେ ମୁକ୍ତୋ ଆସନରୁ ସିଏମ୍ ପେମା ଖଣ୍ଡୁ, ବୋମଡିଲାରୁ ଡୋଙ୍ଗ୍ରୁ ସେଙ୍ଗଜୁ, ଇଟାନଗରରୁ ତେଜି କାସୋ, ସାଗାଲିରୁ ରାତୁ ତେଚି, ଜିରୋ ହାପୋଲି ଆସନରୁ ହେଜ୍ ଆପା, ତାଲି ଆସନରୁ ଜିକେ ତାକୋ, ତାଲିହା ସିଟରୁ ନ୍ୟାତୋ ଦୁକମ୍, ରୋଇଙ୍ଗ ସିଟରୁ ମୁତଚୁ ମିଥୀ, ହାୟୁଲିଆଙ୍ଗ ଆସନରୁ ସାଙ୍ଗଲୁ ପୁଲ୍ ଏବଂ ଚାଉଖାମ୍ ଆସନରୁ ଚୋନା ମିନ୍ ନିର୍ବିରୋଧ ବିଜୟୀ ହୋଇଥିଲେ।

VIDEO | Arunachal Pradesh Assembly Election Results 2024: Counting of votes underway amid high security at the Golden Jubilee Stadium in Papum Pare district.#ArunachalPradeshAssemblyElectionResults2024 #ArunachalElectionResults

(Full video available on PTI Videos -… pic.twitter.com/PWJ0vk4S9K

— Press Trust of India (@PTI_News) June 2, 2024

ବର୍ତ୍ତମାନ ୫୦ ଟି ବିଧାନସଭା ଆସନର ଭୋଟ୍ ଗଣନା ଚାଲିଛି। ଏହି ଆସନରେ ବିଜେପି ଏବଂ କଂଗ୍ରେସ ମଧ୍ୟରେ କଡ଼ା ମୁକାବିଲା ହେଉଛି। ସେହିପରି ସିକ୍କିମର ୩୨ ଟି ବିଧାନସଭା ଆସନର ଭୋଟ୍ ଗଣତି ଜାରି ରହିଛି। ରାଜ୍ୟରେ ଏସଡିଏଫ ଏବଂ ଏସକେଏମ ମଧ୍ୟରେ କଡ଼ା ମୁକାବିଲା ଜାରି ରହିଛି।

#WATCH | Sikkim: Counting of votes for the Sikkim Assembly is underway; visuals from a counting centre in the Soreng district

As per ECI, Sikkim Krantikari Morcha (SKM) is leading on 7 seats. The majority mark in the Sikkim Assembly is 17 out of 32 Assembly seats. pic.twitter.com/DYQ4dESoBI

— ANI (@ANI) June 2, 2024

ସିକ୍କିମ୍ ବିଧାନସଭା ନିର୍ବାଚନ ଫଳାଫଳରେ ପ୍ରାରମ୍ଭିକ ଟ୍ରେଣ୍ଡରେ ଏସକେଏମ ୩ ଟି ଅସନରେ ଆଗରେ ଥିବାବେଳେ ଅନ୍ୟମାନେ ଗୋଟିଏ ଆସନରେ ଆଗରେ ଅଛନ୍ତି ।

ଅରୁଣାଚଳ ପ୍ରଦେଶର ପ୍ରାରମ୍ଭିକ ଧାରାରେ ବିଜେପି ଆଠଟି ଆସନରେ ଆଗୁଆ ଥିବାବେଳେ ଏନପିଇପି ଗୋଟିଏ ଆସନରେ ଆଗୁଆ ରହିଛି।