ପାକିସ୍ତାନ ସେନାର ଜିଦ୍ ଯୋଗୁଁ ଆମେ ୨୧୪ ପଣବନ୍ଦୀଙ୍କୁ ହତ୍ୟା କଲୁ : ବିଏଲଏ

କ୍ବେଟା : ପାକିସ୍ତାନ ସେନା ଓ ସରକାରଙ୍କ ଘୋଷଣାର ବିପରୀତ ବଲୋଚ୍ ବିଦ୍ରୋହୀ ସଂଗଠନ ବଲୋଚ୍ ଲିବରେସନ୍ ଆର୍ମି (ବିଏଲ୍ଏ) ଦାବି କରିଛି ଯେ ସେମାନେ ବନ୍ଧକ ଥିବା ୨୧୪ ପାକ୍ ସୈନିକଙ୍କୁ ହତ୍ୟା କରିଛନ୍ତି । 

ବଲୋଚ୍ ଲିବରେସନ୍ ଆର୍ମି (ବିଏଲ୍ଏ)ର ମୁଖପାତ୍ର ଜିଆନ୍ଦ ବାଲୋଚ୍ ଏକ ବିବୃତ୍ତିରେ କହିଛନ୍ତି ଯେ ପାକିସ୍ତାନୀ ସେନାକୁ ଅଲଟିମେଟମ ଦିଆଯାଇଥିଲେ ମଧ୍ୟ ସେମାନେ ଏଥିପ୍ରତି ଧ୍ୟାନ ଦେଇନଥିଲେ, ଯାହାଫଳରେ ୨୧୪ ଜଣ ବନ୍ଧକ ପ୍ରାଣ ହରାଇଥିଲେ। ବିଏଲଏ ଦାବି କରିଛି ଯେ ସେମାନେ ପାକିସ୍ତାନକୁ ୪୮ ଘଣ୍ଟାର ଅଲଟିମେଟମ ଦେଇଛନ୍ତି। ବୟାନରେ ଦାବି କରାଯାଇଛି ଯେ ବଲୋଚ ଲିବରେସନ ଆର୍ମି ପାକିସ୍ତାନୀ ସେନାକୁ ଯୁଦ୍ଧ ବନ୍ଦୀଙ୍କ ବିନିମୟ ପାଇଁ ୪୮ ଘଣ୍ଟାର ଅଲଟିମେଟମ ଦେଇଛି । ତେବେ ପାକିସ୍ତାନ ନିଜର ଜିଦ୍ ଓ ସାମରିକ ଅହଂକାର ଦେଖାଇ କେବଳ ଗମ୍ଭୀର ଆଲୋଚନାକୁ ଏଡ଼ାଇ ନଥିଲା ବରଂ ବାସ୍ତବତା ପ୍ରତି ଆଖି ବୁଜି ଦେଇଥିଲା। ଏହି ଜିଦ୍ ଯୋଗୁଁ ସମସ୍ତ ୨୧୪ ଜଣ ବନ୍ଧକଙ୍କୁ ହତ୍ୟା କରାଯାଇଛି।

ବିଦ୍ରୋହୀ ସଂଗଠନ ଆହୁରି ଦାବି କରିଛି ଯେ ସେମାନେ ସର୍ବଦା ଅନ୍ତର୍ଜାତୀୟ ଆଇନ ଅନୁଯାୟୀ କାର୍ଯ୍ୟ କରିଛନ୍ତି, କିନ୍ତୁ ପାକିସ୍ତାନର ଜିଦ୍ ସେମାନଙ୍କୁ ଅନ୍ୟ କିଛି କରିବାକୁ ବାଧ୍ୟ କରିଛି। ବିବୃତ୍ତି ଅନୁଯାୟୀ, ବିଏଲଏ ସର୍ବଦା ଯୁଦ୍ଧ ଏବଂ ଅନ୍ତର୍ଜାତୀୟ ଆଇନର ନୀତି ଅନୁଯାୟୀ କାର୍ଯ୍ୟ କରିଆସୁଛି, କିନ୍ତୁ ପାକିସ୍ତାନ ନିଜ କର୍ମଚାରୀଙ୍କୁ ବଞ୍ଚାଇବା ପରିବର୍ତ୍ତେ ସେମାନଙ୍କୁ ଯୁଦ୍ଧ ପାଇଁ ଇନ୍ଧନ ଭାବରେ ବ୍ୟବହାର କରିବାକୁ ପସନ୍ଦ କରିଛି। ୨୧୪ ଜଣ ଯବାନଙ୍କୁ ହତ୍ୟା କରିବା ସହ ଶତ୍ରୁପକ୍ଷକୁ ଏହି ଜିଦ୍ ର ମୂଲ୍ୟ ଦେବାକୁ ପଡ଼ିଥିଲା।