କରୋନା ପରେ ଦିଲ୍ଲୀକୁ ଡରାଇଲାଣି ବ୍ଲାକ ଫଙ୍ଗସ୍: ଚିହ୍ନଟ ହେଲେଣି ୮୦ ବ୍ଲାକ ଫଙ୍ଗସ୍ ରୋଗୀ
ନୂଆଦିଲ୍ଲୀ: କରୋନା ସଂକ୍ରମଣର ଦ୍ୱିତୀୟ ଲହରରେ ବେହାଲ ହୋଇପଡିଥିବା ଦିଲ୍ଲୀରେ ଏବେ ବ୍ଲାକ ଫଙ୍ଗସ ସଂକ୍ରମଣ ବଢିବାରେ ଲାଗିଛି । ଦିଲ୍ଲୀର ମାକ୍ସ ହସ୍ପିଟାଲ ଓ ଏମ୍ସରେ ୪୫ ଜଣ ବ୍ଲାକ ଫଙ୍ଗସ୍ ରୋଗୀ ଚିହ୍ନଟ ହୋଇଥିବା ବେଳେ ମୂଲଚନ୍ଦ ହସ୍ପିଟାଲରେ ଜଣେ ବ୍ଲାକ ଫଙ୍ଗସର ରୋଗୀଙ୍କର ମୃତ୍ୟୁ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ମୂଲଚନ୍ଦ ହସ୍ପିଟାଲର ବରିଷ୍ଠ ଡାକ୍ତର ଭଗବାନଙ୍କ କହିବା ମୁତାବକ, ମେରଠରେ ରହୁଥିବା ୩୭ ବର୍ଷିୟ ଜଣେ ବ୍ୟକ୍ତି କରୋନାରେ ସଂକ୍ରମିତ ହୋଇ ହସ୍ପିଟାଲରେ ଭର୍ତ୍ତି ହୋଇଥିଲେ । ସେ ମଧୁମେହ ରୋଗରେ ପୀଡିତ ଥିଲେ । ମେଡିକାଲରେ କିଛିଦିନ ଚିକିତ୍ସା ପରେ ତାଙ୍କୁ ବ୍ଲାକ ଫଙ୍ଗସ ସଂକ୍ରମଣ ହୋଇଥିବା ଜଣାପଡିଥିଲା । ଚିକିତ୍ସାଧିନ ଅବସ୍ଥାରେ ଏବେ ତାଙ୍କର ମୃତ୍ୟୁ ହୋଇଛି । ମୂଲଚନ୍ଦ ହସ୍ପିଟାଲ ବ୍ୟତୀତ ଦିଲ୍ଲୀର ଅନେକ ହସ୍ପିଟାଲରେ ଏବେ ବ୍ଲାକ ଫଙ୍ଗସ ରୋଗୀ ଚିହ୍ନଟ ହୋଇଛନ୍ତି । ସାର ଗଙ୍ଗାରାମ ହସ୍ପିଟାଲରେ ୪୦, ମାକ୍ସ ହସ୍ପିଟାଲରେ ୨୫, ଏମ୍ସରେ ୧୫ ଜଣ ରୋଗୀ ଚିହ୍ନଟ ହୋଇଥିବା ସୂଚନା ମିଳିଛି ।
ଅନ୍ୟପଟେ ବ୍ଲାକ ଫଙ୍ଗସ ସଂକ୍ରମିତଙ୍କ ଚିକିତ୍ସା ପାଇଁ ବ୍ୟବହାର କରାଯାଉଥିବା ଔଷଧର ଅଭାବ ଏବେ ବଜାରରେ ଦେଖାଦେଉଛି । ଏହାର କଳାବଜାରୀ ହେଉଥିବା ବି କିଛି ସ୍ଥାନରୁ ସୂଚନା ମିଳିଛି ।