ୟୁକ୍ରେନର ଆଶଙ୍କାକୁ ଖଣ୍ଡନ କଲା ଋଷ, ରକ୍ତଭିଜା ପାର୍ସଲ ପଠାଉଛନ୍ତି ଆତଙ୍କବାଦୀ କହିଲା ଋଷ

ନୂଆଦିଲ୍ଲୀ: ଋଷ ଏବଂ ୟୁକ୍ରେନ ମଧ୍ୟରେ ପ୍ରାୟ ୧୦ ମାସ ଧରି ଯୁଦ୍ଧ ଚାଲିଛି | ଯୁଦ୍ଧରେ ଉଭୟ ଦେଶ ବହୁ ଅସୁବିଧାର ସମ୍ମୁଖୀନ ହୋଇଥିଲେ ମଧ୍ୟ ପଛକୁ ହଟିବାକୁ କେହି ପ୍ରସ୍ତୁତ ନୁହଁନ୍ତି। ଋଷର ଆକ୍ରମଣରେ ୟୁକ୍ରେନର ଅନେକ ସହର ଧ୍ୱଂସାବଶେଷରେ ପରିଣତ ହୋଇଥିଲେ ବି ୟୁକ୍ରେନ ନିଜର ଯୁଦ୍ଧ ଜାରି ରଖିଛି । ତେବେ ବର୍ତ୍ତମାନ ୟୁରୋପରେ ଥିବା ୟୁକ୍ରେନ ଦୂତାବାସକୁ ଭିନ୍ନ ଢଙ୍ଗରେ ଟାର୍ଗେଟ କରାଯାଇଛି। ସ୍ପେନ ସମେତ ୟୁରୋପରେ ଥିବା ୟୁକ୍ରେନ ଦୂତାବାସ ଏବଂ କନସୁଲେଟକୁ ପଶୁପକ୍ଷୀଙ୍କ ‘ରକ୍ତାକ୍ତ ପ୍ୟାକେଜ୍’ ପଠାଯାଉଛି |

ୟୁକ୍ରେନ ବୈଦେଶିକ ମନ୍ତ୍ରଣାଳୟ ଏହି ରକ୍ତାକ୍ତ ପ୍ୟାକେଜକୁ ନେଇ ଏକ ସୁଚିନ୍ତିତ ଆତଙ୍କବାଦୀ ଅଭିଯାନ ବୋଲି ବର୍ଣ୍ଣନା କରିଛି। ୱାଶିଂଟନ୍ ପୋଷ୍ଟ ଅନୁଯାୟୀ, ଏହି ଘଟଣା ପଛରେ ଋଷର ହାତ ଥାଇପାରେ ବୋଲି ୟୁକ୍ରେନ ସନ୍ଦେହ କରିଛି। ୟୁକ୍ରେନ ବୈଦେଶିକ ମନ୍ତ୍ରଣାଳୟର ମୁଖପାତ୍ର କହିଛନ୍ତି ଯେ ନେଦରଲ୍ୟାଣ୍ଡ, ପୋଲାଣ୍ଡ, କ୍ରୋଏସିଆ, ଇଟାଲୀ ଏବଂ ଅଷ୍ଟ୍ରିଆର ଦୂତାବାସ ସହ ଚେକ ରିପବ୍ଲିକକୁ ରକ୍ତଭିଜା ପ୍ୟାକେଟ ପଠାଯାଇଛି | ଏହି ସବୁ ପାର୍ସଲରେ ବିଭିନ୍ନ ପଶୁପକ୍ଷୀଙ୍କ ରକ୍ତାକ୍ତ ଅଙ୍ଗ ସହ ଚିଠି ରହିଛି | ଏହି ଘଟଣା ପାଇଁ ୟୁକ୍ରେନ ଋଷ ଉପରେ ସନ୍ଦେହ ସୃଷ୍ଟି କରିଛି। ତେବେ ଋଷ ଏହାକୁ ଖଣ୍ଡନ କରିବା ସହ ଏହାକୁ ଆତଙ୍କବାଦୀଙ୍କ କାର୍ଯ୍ୟକଳାପ ବୋଲି ମଧ୍ୟ କହିଛି।

ସମ୍ବନ୍ଧିତ ଖବର