ପାଟନା ବିମାନ ବନ୍ଦର, ଦିଲ୍ଲୀ ଇଣ୍ଡିଆନ ସ୍କୁଲ୍‌ରେ ବୋମା ଆତଙ୍କ

ପାଟନା : ପାଟନାର ଜୟପ୍ରକାଶ ନାରାୟଣ ବିମାନବନ୍ଦର ଏବଂ ଦକ୍ଷିଣ ଦିଲ୍ଲୀର ସଦିଗ ନଗର ସ୍ଥିତ ଇଣ୍ଡିଆନ ସ୍କୁଲ୍‌ରେ ଆଜି ସକାଳେ ବୋମା ଆତଙ୍କ ଖେଳିଯାଇଥିଲା। ବିମାନବନ୍ଦରରେ ବୋମା ଥିବା ନେଇ ସକାଳ ପ୍ରାୟ ୧୦.୪୭ ସମୟରେ ଫୋନ କଲ୍ ଆସିଥିଲା। ଏହି ଫୋନ୍‌ କଲ ପାଇବାପରେ ଏକ ବୋମା ନିଷ୍କ୍ରିୟକାରୀ ଦଳ ବିମାନବନ୍ଦର ପରିସର ଯାଞ୍ଚ କରିଥିଲେ। କିନ୍ତୁ ଏଥିଯୋଗୁଁ ବିମାନ ଚଳାଚଳ ପ୍ରଭାବିତ ହୋଇନାହିଁ।

ସେହିପରି ଇଣ୍ଡିଆନ ସ୍କୁଲ୍‌ ପରିସରରେ ବୋମା ଥିବା ନେଇ ସ୍କୁଲ ପ୍ରଶାସନ ଏକ ଇମେଲ୍‌ ପାଇଥିଲେ। ଏହାପରେ ବୋମା ନିଷ୍କ୍ରିୟକାରୀ ଦଳ ଏବଂ ଡଗ୍‌ ସ୍କ୍ବାଡ୍‌ ସ୍କୁଲ୍‌ ପରିସରରେ ପହଞ୍ଚିଥିଲେ। କିନ୍ତୁ ଏହା ଏକ ମିଥ୍ୟା ଧମକ ବୋଲି ଜଣାପଡ଼ିଛି।