ଏତେ ଛୁଟି ଦେଇହେବ ନାହିଁ, ଯାଚିକା ଖାରଜ କରି କାହିଁକି ଏଭଳି କହିଲେ ହାଇକୋର୍ଟ
ମୁମ୍ବାଇ: ଦେଶରେ ବହୁତ ଅଧିକ ସାର୍ବଜନିକ ଛୁଟିଦିନ ଅଛି ଏବଂ ତାହାକୁ ବୃଦ୍ଧି କରିବା ପରିବର୍ତ୍ତେ ହ୍ରାସ କରିବାର ସମୟ ଆସିଛି | ଅଗଷ୍ଟ ୨କୁ ଦାଦ୍ରା ନଗର ହାଭେଲିରେ ସାଧାରଣ ଛୁଟିଦିନ ଦିଆନଯିବାରୁ ଏହାକୁ ନେଇ ଆବେଦନ କରାଯାଇଥିବା ଏକ ଯାଚିକାକୁ ବମ୍ବେ ହାଇକୋର୍ଟ ଖାରଜ କରିଛନ୍ତି | ଅଗଷ୍ଟ ୨ ସାଧାରଣ ଛୁଟିଦିନ ନ ଥିବାରୁ ଦାଦ୍ରା ନଗର ହାଭେଲିର ଜଣେ ବାସିନ୍ଦା ହାଇକୋର୍ଟରେ ଆବେଦନ କରିଥିଲେ। ଆବେଦନକାରୀ କହିଥିଲେ ଯେ ଏହି ଦିନ ଏକ ଛୁଟିଦିନ ଥିଲା କାରଣ ଏହି ଦିନ ଆମେ ପର୍ତ୍ତୁଗୀଜ୍ ଶାସନରୁ ସ୍ୱାଧୀନତା ପାଇଥିଲୁ, ଏହାକୁ ୨୦୨୦ ପର୍ଯ୍ୟନ୍ତ ପାଳନ କରାଯାଉଥିଲା କିନ୍ତୁ ୨୦୨୧ରୁ ଏହାକୁ ବନ୍ଦ କରିଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ତେଣୁ ଏହି ଦିନକୁ ପୁଣି ଛୁଟି ଦିନ ଭାବରେ ବିବେଚନା କରାଯାଉ | ତେବେ ଏହାକୁ ନେଇ ବମ୍ବେ ହାଇକୋର୍ଟ କହିଛନ୍ତି ଯେ କୌଣସି ଦିନକୁ ସାଧାରଣ ଛୁଟିଦିନ ଭାବେ ଘୋଷଣା କରିବା ଆଇନଗତ ଦିଗରୁ ମୌଳିକ ଅଧିକାର ଦିଆଯାଇନାହିଁ | ସେହିପରି କୌଣସି ନିର୍ଦ୍ଦିଷ୍ଟ ଦିନକୁ ସାଧାରଣ ଛୁଟି କିମ୍ବା ବିକଳ୍ପ ଛୁଟିଦିନ ଭାବରେ ଘୋଷଣା କରିବା ସରକାରଙ୍କ ନୀତିର ବିଷୟ’ |
ଜଷ୍ଟିସ ଗୌତମ ପଟେଲ ଏବଂ ଜଷ୍ଟିସ ମାଧବ ଜାମଦାରଙ୍କ ଖଣ୍ଡପୀଠ କିଶାନଭାଇ ଘୁଟିଆଙ୍କ ଆବେଦନର ଶୁଣାଣିବେଳେ କହିଛନ୍ତି ଯେ ଅଗଷ୍ଟ ୨, ୧୯୫୪ ରେ ପର୍ତ୍ତୁଗୀଜମାନଙ୍କଠାରୁ ସ୍ୱାଧୀନତା ପାଇଥିବାରୁ ଏହି ଦିନକୁ ପାଳନ କରାଯାଉଛି, କିନ୍ତୁ ଏହା ୨୦୨୧ ଜୁଲାଇ ୨୯ ରୁ ବନ୍ଦ ହୋଇଯାଇଛି। ଦେଶରେ ବହୁତ ଅଧିକ ସାର୍ବଜନିକ ଛୁଟିଦିନ ଅଛି ଏବଂ ତାହାକୁ ବୃଦ୍ଧି କରିବା ପରିବର୍ତ୍ତେ ହ୍ରାସ କରିବାର ସମୟ ଆସିଛି କହି କୋର୍ଟ ଛୁଟି ଯାଚିକାକୁ ଖାରଜ କରିଥିଲେ |