ବୁଷ୍ଟର୍ ଡୋଜ୍ ଓମିକ୍ରନ୍କୁ ରୋକିପାରିବନି
Booster can't stop Omicran
ନୂଆଦିଲ୍ଲୀ: କରୋନାର ଓମିକ୍ରନ୍ ପ୍ରଜାତିକୁ ରୋକି ହେବନି। ବୁଷ୍ଟର ଡୋଜ୍ ଓମିକ୍ରନ୍କୁ ରୋକି ପାରିବନି। ପରିଶେଷରେ ସମସ୍ତେ ଓମିକ୍ରନ୍ରେ ଆକ୍ରାନ୍ତ ହେବେ। ଜଣେ ଶୀର୍ଷ ସରକାରୀ ବିଶେଷଜ୍ଞ ଏହା କହିଛନ୍ତି। ଆଇସିଏମ୍ଆର୍ର ବୈଜ୍ଞାନିକ ଉପଦେଷ୍ଟା କମିଟିର ଅଧ୍ୟକ୍ଷ ଏବଂ ମହାମାରୀ ରୋଗ ବିଶେଷଜ୍ଞ ଡାକ୍ତର ଜୟପ୍ରକାଶ ମୁଲିଲ ଏନ୍ଡିଟିଫିକୁ ସାକ୍ଷାତକାର ଦେଇ ଏହି ଗୁରୁତ୍ବପୂର୍ଣ୍ଣ ସୂଚନା ଦେଇଛନ୍ତି। ଡାକ୍ତର ଜୟପ୍ରକାଶ କହିଛନ୍ତି, ଆମମାନଙ୍କ ମଧ୍ୟରୁ ଅଧିକାଂଶ କରୋନା ସଂକ୍ରମିତ ହୋଇଥିଲେ ସୁଦ୍ଧା ଜାଣିପାରିବାନି। ୮୦ ପ୍ରତିଶତ ଲୋକ ଜାଣିପାରିବେନି ସେମାନେ କେତେବେଳେ କରୋନା ସଂକ୍ରମିତ ହୋଇଛନ୍ତି। ଡାକ୍ତର ଜୟପ୍ରକାଶ କହିଛନ୍ତି, ବୁଷ୍ଟର୍ ଡୋଜ୍ ମହାମାରୀର ଅଗ୍ରଗତିକୁ ରୋକି ପାରିବନି। ସଂକ୍ରମଣ ମାମଲା ୨ ଦିନରେ ଦ୍ବିଗୁଣା ହେଉଛି। ତେଣୁ ଟେଷ୍ଟ୍ ରିପୋର୍ଟ ଆସିବା ପୂର୍ବରୁ ଜଣେ ସଂକ୍ରମିତ ବ୍ୟକ୍ତି ଏକାଧିକ ଲୋକଙ୍କୁ ସଂକ୍ରମିତ କରିଥିବେ। ଡେଲ୍ଟାଠାରୁ ଓମିକ୍ରନ୍ କମ୍ ସଂକ୍ରାମକ ବୋଲି ସେ କହିଛନ୍ତି।