ବାଳକ ବାଘ ସାମ୍ନାରେ ମରିବାର ଛଳନା କଲେ, ହାତକୁ କାମୁଡ଼ି ବାଘ ନାଡ଼ି ପରୀକ୍ଷା କଲା: ଭିଡିଓ ଭାଇରାଲ୍

ଜାକର୍ତ୍ତା: ସୋସିଆଲ ମିଡ଼ିଆରେ ଏବେ ଏଭଳି ଅନେକ ଭାଇରାଲ୍ ଭିଡିଓ ଦେଖିବାକୁ ମିଳିଥାଏ ଯେଉଁଥିରେ ଗୃହପାଳିତ ପଶୁମାନେ ସେମାନଙ୍କ ମାଲିକମାନଙ୍କ ସହିତ ଅଜବ କାର୍ଯ୍ୟ କରୁଛନ୍ତି। କିଛି ଭିଡିଓରେ ବାଘ,ସିଂହ ସମେତ ଅନ୍ୟ ବନ୍ୟ ପ୍ରାଣୀଙ୍କର କାର୍ଯ୍ୟ ମଧ୍ୟ ଦେଖିବାକୁ ମିଳିଥାଏ। କିନ୍ତୁ କୌଣସି ଭିଡିଓରେ ସିଂହ କିମ୍ବା ବାଘ ଗୃହପାଳିତ ପଶୁ ପରି ଆଚରଣ କରୁଥିବା ପ୍ରାୟତଃ ଦେଖିବାକୁ ମିଳି ନ ଥାଏ।

ଏବେ ଏକ ଭାଇରାଲ୍ ଭିଡିଓରେ ବାଘ ଗୃହପାଳିତ ପଶୁ ଭଳି ଆଚରଣ ପ୍ରଦର୍ଶନ କରୁଥିବା ଦେଖିବାକୁ ମିଳୁଛି। ଭିଡ଼ିଓରେ ଜଣେ ବାଳକ ବାଘ ସାମ୍ନାରେ ମରିବାକୁ ଛଳନା କରୁଥିବାର ଦେଖିବାକୁ ମିଳୁଛି। ବାଘ କିପରି ପ୍ରତିକ୍ରିୟା ପ୍ରକାଶ କରୁଛି ସେ ତାହା ଜାଣିବାକୁ ଚାହୁଁଛନ୍ତି। ତେବେ ଭିଡ଼ିସରେ ବାଘର ଆଚରଣ ୟୁଜରଙ୍କୁ ଚକିତ କରିଛି।

ଇନଷ୍ଟାଗ୍ରାମରେ ପୋଷ୍ଟ ହୋଇଥିବା ଏହି ଭିଡିଓରେ ଜଣେ ବାଳକ ଏକ ଧଳା ବାଘ ନିକଟକୁ ଆସି ଛାତିରେ ଗୁଳିମାଡ଼ ହୋଇଥିବା ପରି ଅଭିନୟ କରି ତଳେ ପଡ଼ି ଯାଇଥିଲେ। ଏହା ପରେ ବାଘଟି ତାଙ୍କ ପାଖକୁ ଆସି ତାଙ୍କୁ ଚାଟିବାକୁ ଚେଷ୍ଟା କଲା। କିନ୍ତୁ ପିଲାଟି ମୁହଁ ଉପରେ ହାତ ରଖିଥିବାରୁ ବାଘଟି ହାତକୁ କାମୁଡ଼ି ବାଳକ ଜଣକ ଜୀବିତ କି ମୃତ ତାହା ପରୀକ୍ଷା କରିବା ପାଇଁ ଡାକ୍ତରଙ୍କ ଭଳି ତାଙ୍କର ନାଡ଼ି ପରୀକ୍ଷା କରିଥିବାର ଦେଖିବାକୁ ମିଳୁଛି। ଏହା ପରେ ବାଘ ବାଳକଙ୍କର କିଛି କ୍ଷତି ନ କରି କୁଦା ମାରି ପଳାଉଛି।

View this post on Instagram

A post shared by Alshad Ahmad (@alshadahmad)

ଏହି ଭିଡିଓଟି ଇନଷ୍ଟାଗ୍ରାମର ଅଲଶାଦ ଅହମ୍ମଦ ନାମକ ଏକ ଆକାଉଣ୍ଟରୁ ସେୟାର କରାଯାଇଛି। ଏହି ବାଘଟି ହେଉଛି ବାଳକଙ୍କର ଗୃହପାଳିତ ପଶୁ ଏବଂ ଉଭୟଙ୍କର ଅନେକ ଭିଡିଓ ଏହି ଆକାଉଣ୍ଟରେ ସେୟାର ହୋଇସାରିଛି। ୟୁଜରମାନେ ମଧ୍ୟ ଏସବୁ ଭିଡ଼ିଓକୁ ବହୁତ ପସନ୍ଦ କରୁଛନ୍ତି। ଏହି ଭିଡିଓକୁ ୧ କୋଟି ୨୩ ଲକ୍ଷ ଭ୍ୟୁ ମିଳିଛି।

ଏହି ଭିଡିଓ ଇଣ୍ଡୋନେସିଆର ଅଲଶାଦ ଅହମ୍ମଦଙ୍କର ଅଟେ। ସେ କେବଳ ଏହି ବାଘ ସହିତ ନୁହେଁ ଅନ୍ୟ ବାଘ ଏବଂ ଅନ୍ୟାନ୍ୟ ପ୍ରାଣୀମାନଙ୍କ ସହିତ ମଧ୍ୟ ଦେଖାଯାଇଛନ୍ତି। ଅନେକ ଲୋକ ଏହାକୁ ବହୁତ ସୁନ୍ଦର ଏବଂ କିଛି ଲୋକ ଏହାକୁ ଭୟଭୀତ ମନେ କରି ଭିନ୍ନ ଭିନ୍ନ ମନ୍ତବ୍ୟ ଦେଇଥାନ୍ତି।

ଅନେକ ୟୁଜର ଭିଡିଓ ଦେଖିବା ପରେ ହଡ଼ବଡ଼େଇ ଯାଇଥିଲେ। ଜଣେ ୟୁଜର ମନ୍ତବ୍ୟରେ ଲେଖିଛନ୍ତି, ମୁଁ ବିବ୍ରତ ଏବଂ ବାଳକଙ୍କୁ ବାଘ ଖାଇଯିବ ବୋଲି ଭୟ କରୁଛି। କିଛି ଲୋକ ବାଘର ଡାକ୍ତର ଭଳି ଶୈଳୀକୁ ବହୁତ ପସନ୍ଦ କରିଥିଲେ ଏବଂ ମନ୍ତବ୍ୟରେ ଲେଖିଥିଲେ, ପଶୁମାନଙ୍କର ମଧ୍ୟ ହୃଦୟ ଅଛି।