ପୋଲର ପିଲର ଭିତରେ ଫସିଥିଲା ଶିଶୁ, ୩୦ ଘଣ୍ଟାର ଉଦ୍ଧାର ଅପରେସନ ପରେ ବି ବଞ୍ଚିପାରିଲାନି ରଞ୍ଜନ
ପାଟନା: ବିହାରର ରୋହତାସର ଅତିମି ଗ୍ରାମ ନିକଟରେ ଥିବା ନାସ୍ରିଗଞ୍ଜ-ଦାଉଦନଗର ସୋନ ବ୍ରିଜର ଦୁଇଟି ପିଲର ମଧ୍ୟରେ ଫସି ରହିଥିବା ଜଣେ ୧୨ ବର୍ଷର ବାଳକକୁ ଉଦ୍ଧାର କରାଯାଇଥିଲେ ବି ଡାକ୍ତର ମୃତ ଘୋଷଣା କରିଛନ୍ତି | ଏନଡିଆରଏଫ ଯବାନମାନେ ପ୍ରାୟ ୩୦ ଘଣ୍ଟା ଧରି ଉଦ୍ଧାର ଅଭିଯାନ ଚଳାଇ ଶିଶୁ ରଞ୍ଜନକୁ ଉଦ୍ଧାର କରିଥିଲା | ଉଦ୍ଧାର ପରେ ଶିଶୁଟିକୁ ସେଠାରୁ ୪୦ କିଲୋମିଟର ଦୂରରେ ଥିବା ସଦର ହସ୍ପିଟାଲରେ ଭର୍ତ୍ତି କରାଯାଇଥିଲା, ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ। ରଂଜନଙ୍କ ବାପା କହିଥିଲେ ଯେ ତାଙ୍କ ପୁଅର ମାନସିକ ଅବସ୍ଥା ଭଲ ନଥିଲା । ଦୁଇ ଦିନ ପୂର୍ବରୁ ରଂଜନ ଘରୁ ନିଖୋଜ ହୋଇଯାଇଥିଲା। ସେ କେବେ ଏବଂ କିପରି ପିଲର ଭିତରେ ଫସିଯାଇଥିଲା ସେନେଇ କୌଣସି ସୂଚନା ନାହିଁ | ପ୍ରତ୍ୟକ୍ଷଦର୍ଶୀ କହିଛନ୍ତି ଯେ ରଂଜନ ତଳ ଭାଗରୁ ଚଢି ଦୁଇଟି ପିଲର ଭିତରେ ଫସିଯାଇଥିଲା |
Sambad is now on WhatsApp
Join and get latest news updates delivered to you via WhatsApp
ବୁଧବାର ଅପରାହ୍ନରେ ବ୍ରିଜ ନିକଟରେ ବସିଥିବା ଜଣେ ମହିଳା ଶିଶୁର କ୍ରନ୍ଦନ ଶୁଣି ଦେଖିଲେ ଯେ ପିଲାଟି ପିଲର ମଧ୍ୟରେ ଫସି ରହିଛି। ଏହାପରେ ସେ ରଂଜନଙ୍କ ପିତାମାତାଙ୍କ ସମେତ ଗ୍ରାମବାସୀଙ୍କୁ ଏହା ଜଣାଇଥିଲେ। ଗ୍ରାମବାସୀମାନେ ପ୍ରଥମେ ପିଲାଟିକୁ ବାହାରକୁ ଆଣିବାକୁ ଚେଷ୍ଟା କରିଥିଲେ କିନ୍ତୁ ବିଫଳ ହୋଇଥିଲେ। ଏହା ପରେ ଗ୍ରାମବାସୀ ପୁଲିସ ଅଧିକାରୀ ଓ ସ୍ଥାନୀୟ ବିଡିଓଙ୍କୁ ଜଣାଇଥିଲେ। ସ୍ଥାନୀୟ ସ୍ତରରେ ଉଦ୍ୟମ ପରେ ମଧ୍ୟ ଯେତେବେଳେ ରଂଜନ ବାହାରିପାରିନଥିଲା, ଏନଡିଆରଏଫକୁ ଖବର ଦିଆଯାଇଥିଲା | ଏନଡିଆରଏଫ ଯବାନମାନେ ଯଦିଓ ଅକ୍ଲାନ୍ତ ପରିଶ୍ରମ କରି ଶିଶୁଟିକୁ ଉଦ୍ଧାର କରିଥିଲେ, କିନ୍ତୁ ଶିଶୁଟି ବଞ୍ଚିପାରିନଥିଲା |