ନୂଆଦିଲ୍ଲୀ : ବ୍ରାଜିଲ୍‌ରେ ଶୁକ୍ରବାର ଦିନ ୨ଟି ସ୍କୁଲ୍‌ରେ ଗୁଳିକାଣ୍ଡ ହୋଇ ୩ ଜଣଙ୍କ ମୃତ୍ୟୁ ହୋଇଛି ଏବଂ ୧୧ ଜଣ ଗୁରୁତର ଆହତ ହୋଇଛନ୍ତି। ଏସ୍‌ପିରିଟୋ ସାଣ୍ଟୋର ଏକ ଛୋଟ ସହର ଆରାକ୍ରୁଜ୍‌ରେ ଥିବା ୨ଟି ସ୍କୁଲ୍‌ରେ ଏହି ଘଟଣା ଘଟିଛି। ସ୍କୁଲ୍‌ରେ ଗୁଳିକା‌ଣ୍ଡ କରିଥିବା ବ୍ୟକ୍ତି ଏକ ବନ୍ଧୁକ ଧରିଥିଲା ଓ ସେ ସେନା ପୋଷାକରେ ଥିଲା । ଏହି ଘଟଣା ପରେ ବିଭିନ୍ନ ସ୍କୁଲ୍‌ରେ ସୁରକ୍ଷା ବଢ଼ାଇ ଦିଆଯାଇଛି। ଅଭିଯୁକ୍ତ ଗୁଳିମାଡ଼ କରି ଫେରାର ହୋଇଯାଇଥିବା ବେଳେ ତାକୁ ଠାବ କରିବା ପାଇଁ ବ୍ୟାପକ ତଲାସୀ ଚାଲିଛି।