ବର ଡ଼ରିବାରୁ ସାହାସ ଦେଖାଇଲେ କନ୍ୟା, ଡ଼ଙ୍ଗା ଚଢ଼ି ଗଙ୍ଗା ନଦୀ ପାର ହୋଇ ବରଘରେ ପହଞ୍ଚିଲେ
ପାଟନା : ବିହାର ଏବଂ ଝାଡ଼ଖଣ୍ଡରେ କିଛି ଏମିତି ଗାଁ ରହିଛି ଯେଉଁଠି ଲୋକମାନେ ପରସ୍ପର ସହ ସଂପର୍କ ରଖିବା ପାଇଁ ଚାଲୁଥିବା ମଟର ଲଞ୍ଚ ସେବାର ସାହାଯ୍ୟ ନେଇଥାନ୍ତି । କିନ୍ତୁ କିଛି ଦିନ ହେବ ଏହି ସେବାକୁ ବନ୍ଦ କରି ଦିଆଯାଇଥିବା ବେଳେ ନଦୀର ଦୁଇ ପାଖରେ ରହୁଥିବା ଗାଁର ଲୋକମାନଙ୍କୁ ପରସ୍ପର ସହ ସଂପର୍କ ରଖିବାରେ ବାଧା ଉପୁଜିଛି । ଏହି ସେବା ବନ୍ଦ ହେବା ପରେ ବିହାରର ଜଣେ ମହିଳାଙ୍କ ବିବାହ ଭାଙ୍ଗିବା ପରିସ୍ଥିତିକୁ ଆସି ଯାଇଥିଲା । କିନ୍ତୁ ମହିଳା ଏବଂ ତାଙ୍କ ପରିବାର ଲୋକଙ୍କ ସାହସ ପାଇଁ ନିର୍ଦ୍ଧାରିତ ସମୟରେ ବିବାହ ସଂପନ୍ନ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,ବିହାରର କଠିହାରରେ ଥିବା ନୀମା ଗାଁରେ ରହୁଥିବା ସୁନୀତାଙ୍କ ବିବାହ ଝାଡ଼ଖଣ୍ଡର ମାଓ୍ଵରେ ମରାଣ୍ଡିଙ୍କ ସହ ଠିକ୍ ହୋଇଥିଲା । ବିବାହ ଜୁଲାଇ ୬ ଦିନ ଧାର୍ଯ୍ୟ କରାଯାଇଥିବା ବେଳେ ଜୁଲାଇ ୪ ତାରିଖରେ ଲଞ୍ଚ ସେବାକୁ ବନ୍ଦ କରି ଦିଆଯାଇଥିଲା । ଯାହା ଫଳରେ ଦୁଇ ଗାଁ ଭିତରେ ସଂପର୍କ ବିଚ୍ଛିନ୍ନ ହୋଇ ଯାଇଥିଲା । ବରପକ୍ଷ ବିବାହ ତାରିଖ ଆଗକୁ ବଢ଼ାଇବା ପରିବର୍ତ୍ତେ ବିବାହ ଭାଙ୍ଗିବା ପାଇଁ ନିଷ୍ପତ୍ତି ନେଇଥିଲେ । ଡ଼ଙ୍ଗାରେ ଗଙ୍ଗା ନଦୀ ପାର୍ ହେବାକୁ ବରପକ୍ଷ ଡ଼ରୁଥିବାରୁ ଏହି ନିଷ୍ପତ୍ତି ନିଆଯାଇଥିଲା । ଏ ବିଷୟରେ କନ୍ୟାପକ୍ଷ ଜାଣିବା ପରେ ସୁନୀତା ନିଜ ବିବାହକୁ ବଞ୍ଚାଇବା ପାଇଁ ନଦୀ ପାର ହୋଇ ଯିବା ପାଇଁ ନିଷ୍ପତ୍ତିି ନେଇଥିଲେ । ପରେ ସୁନୀତା ଏବଂ ତାଙ୍କ ପରିବାର ଲୋକେ ଗଙ୍ଗା ନଦୀ ପାର୍ ହୋଇ ବର ଘରେ ପହଞ୍ଚିବା ପରେ ନିର୍ଦ୍ଧାରିତ ସମୟରେ ବିବାହ ସଂପନ୍ନ ହୋଇଥିଲା । କନ୍ୟାପକ୍ଷଙ୍କ ସାହାସ ପାଇଁ ବିବାହ ସମ୍ଭବ ହୋଇ ପାରିଥିଲା ।