ନୂଆଦିଲ୍ଲୀ: ମହିଳା ରେସଲରଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗରେ ଦିଲ୍ଲୀ କୋର୍ଟ ଦ୍ୱାରା ରେସଲିଂ ଫେଡେରେସନ୍ ଅଫ୍ ଇଣ୍ଡିଆର ପୂର୍ବତନ ମୁଖ୍ୟ ବ୍ରିଜ ଭୂଷଣ ଶରଣ ସିଂଙ୍କୁ ନିୟମିତ ଜାମିନ ପ୍ରଦାନ କରାଯାଇଛି ।

Advertisment

ଗୃହ ମନ୍ତ୍ରଣାଳୟ ଅଧୀନରେ ଆସୁଥିବା ଦିଲ୍ଲୀ ପୁଲିସ ବ୍ରିଜ ଭୂଷଣଙ୍କ ଜାମିନ ଆବେଦନକୁ ବିରୋଧ କରି ନଥିଲା । ଏହାପରେ ଦିଲ୍ଲୀର ରାଉସ୍ ଆଭେନ୍ୟୁ କୋର୍ଟ ତାଙ୍କୁ ଜାମିନ ପ୍ରଦାନ କରିଥିଲେ।

ନିକଟରେ ଦିଲ୍ଲୀପୁଲିସ ବ୍ରିଜ ଭୂଷଣଙ୍କ ବିରୋଧରେ ଏକ ଅଭିଯୋଗ ଆଣିଛି। ଦିଲ୍ଲୀ ପୁଲିସର କହିବାନୁସାରେ, ‘ରେସଲିଂ ଫେଡେରେସନ୍ ଅଫ୍ ଇଣ୍ଡିଆର ପୂର୍ବତନ ମୁଖ୍ୟ ବ୍ରିଜ ଭୂଷଣ ଶରଣ ସିଂଙ୍କୁ ଯେତେବେଳେ ବି ସୁଯୋଗ ମିଳିଥାଏ ‌ସେ ମହିଳା କୁସ୍ତିଯୋଦ୍ଧଙ୍କୁ ‌‌ଯୌନ ନିର୍ଯାତନା ଦେଇଥାଆନ୍ତି।

ଦିଲ୍ଲୀର ରାଉସ୍ ଆଭେନ୍ୟୁ କୋର୍ଟ ବ୍ରିଜ ଭୂଷଣ ଶରଣ ସିଂଙ୍କୁ ରବିବାର ହାଜର ହେବାକୁ ନେଇ ଆଶ୍ବସ୍ତି ପ୍ରଦାନ କରିଛନ୍ତି। ରାଉସ୍ ଆଭେନ୍ୟୁ କୋର୍ଟ ମହିଳା କୁସ୍ତିଯୋଦ୍ଧାଙ୍କୁ ‌ଯୌନ ନିର୍ଯାତନା ଦେବା ଘଟଣାକୁ ନେଇ ଅଭିଯୁକ୍ତ ବିଜେପି ସାଂସଦ ବିରୋଧରେ ହୋଇଥିବା ଅଭିଯୋଗର ଆଜି ଶୁଣାଣି କରିଛନ୍ତି। ଏହି ଶୁଣାଣି ସମୟରେ ଦିଲ୍ଲୀ ପୁଲିସ ଯୁକ୍ତି କରି କହିଥିଲା କି, ‘ ସିଂହଙ୍କୁ ଜଣାଥିଲା କି ସେ କ’ଣ କରୁଛନ୍ତି। ତାଜିକିସ୍ତାନରେ ଏସିୟାଇ ଚମ୍ପିୟାନସିପ ସମୟରେ ହୋଇଥିବା ଏକ ଅଭିଯୋଗ ଅନୁଯାୟୀ, ‘ଜଣେ ମହିଳା କୁସ୍ତିଯୋଦ୍ଧା ଦାବିର ସହ କହିଥିଲେ କି ବ୍ରିଜ ଭୂଷଣ ତାଙ୍କ ଅନୁମତି ବିନା ସାର୍ଟ ଉପରକୁ ଉଠାଇ ପେଟକୁ ଅଶ୍ଳୀଳ ଭାବେ ସ୍ପର୍ଶ କରିଥି‌ଲେ। କଥା ଏହା ନୁହେଁ ‌କି ପୀଡିତ ମହିଳା କୌଣସି ପ୍ରତିକ୍ରିୟା ଦେଇଥିଲେ କି ନାହିଁ, କିନ୍ତୁ ଏକଥା ସତ ଯେ ତାଙ୍କ ସହିତ ଯାହା ବି ହୋଇଥିଲା ତାହା ଭୁଲ ଅଟେ।

ଯେଉଁ ପ୍ରମାଣ କୋର୍ଟରେ ଦିଆଯାଇଛି, ତାହା ବ୍ରିଜ ଭୂଷଣ ବିରୋଧରେ ହୋଇଥିବା ଅଭିଯୋଗକୁ ପ୍ରମାଣ କରିବା ପାଇଁ ପ୍ରର୍ଯ୍ୟାପ୍ତ ରହିଛି।’