ଭାରତୀୟଙ୍କ ପାଇଁ ସହଜ ହେବ ନାହିଁ ବ୍ରିଟେନରେ ପଢିବା, କାହିଁକି ଜାଣନ୍ତୁ
ଲଣ୍ଡନ : ଗୋଟିଏ ପଟେ ଆମେରିକା ନିଜ ଭିସା ନୀତିକୁ କଠୋର କରୁଥିବାବେଳେ ବ୍ରିଟେନ ଅନ୍ତର୍ଜାତୀୟ ପ୍ରଫେସନାଲମାନଙ୍କ ପାଇଁ ନିଜର ଭିସା ନୀତିକୁ କୋହଳ କରିଛି । ଗତକାଲି ବ୍ରିଟିଶ ପାର୍ଲିଆମେଣ୍ଟରେ ଆଗତ ଏକ ବିଲ୍ରେ ସରକାର ନିଜର କଠୋର ଭିସା ନୀତିକୁ କୋହଳ କରିବାକୁ ପ୍ରସ୍ତାବ ଦେଇଛନ୍ତି । ଏହି ପ୍ରସ୍ତାବ ଅନୁସାରେ ଟିୟର-୨ ଓ ଟିୟର-୪ ଭିସା ଶ୍ରେଣୀକୁ କୋହଳ କରାଯିବ । ଟିୟର-୨ ଭିସା କୋହଳ ହେବା ଦ୍ୱାରା ବ୍ରିଟେନରେ ବିଭିନ୍ନ କ୍ଷେତ୍ରରେ ଆବଶ୍ୟକ ଥିବା କୁଶଳୀ ପେଶାଦାରଙ୍କ ଅଭାବ ପୂରଣ ହେବ । ଆହୁରିମଧ୍ୟ ଏହା ଦ୍ୱାରା ବିଭିନ୍ନ ଦେଶରୁ ଅଧିକ ସଂଖ୍ୟକ ପେଶାଦାର ବ୍ରିଟେନ ଯାଇ କାର୍ଯ୍ୟ କରିପାରିବେ । ବିଶେଷକରି ଭାରତୀୟ ଆଇଟି ପ୍ରୋଫେସନାଲମାନେ ଏହା ଦ୍ୱାରା ଉପକୃତ ହେବାର ସମ୍ଭାବନା ରହିଛି । ଏ ସଂପର୍କରେ ଭାରତୀୟ ଶିଳ୍ପ ସଂଗଠନ ଫିକ୍କି ପକ୍ଷରୁ କୁହାଯାଇଛି ଯେ ବ୍ରିଟେନ ସରକାରଙ୍କ ଏହି ପଦକ୍ଷେପ ଦ୍ୱାରା ଭାରତୀୟ ଆଇଟି ଉଦ୍ୟୋଗ ଲାଭରେ ରହିବ । ତେବେ ଦୁର୍ଭାଗ୍ୟଜନକ ବିଷୟ ଯେ ବ୍ରିଟେନ ଭାରତୀୟ ଛାତ୍ରଛାତ୍ରୀ ପାଇଁ ଏହି ଟିୟର-୪ ଭିସା କୋହଳତା ଲାଗୁ ହେବ ନାହିଁ । ଟିୟର-୪ ଭିସା ଛାତ୍ରଛାତ୍ରୀମାନଙ୍କୁ ଦିଆଯାଏ । ଏହାକୁ ନେଇ ଅସନ୍ତୋଷ ପ୍ରକାଶ ପାଇଛି । ଏହାକୁ ନେଇ ପ୍ରବାସୀ ଭାରତୀୟମାନେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତକାଲି ଆମରିକାର କାଟୋ ଇନଷ୍ଟିଚ୍ୟୁଟ ପକ୍ଷରୁ ପ୍ରକାଶିତ ଏକ ଅଟକଳ ଅନୁସାରେ ଭାରତୀୟମାନଙ୍କୁ ଆମେରିକାରେ ଗ୍ରୀନ କାର୍ଡ ପାଇବାକୁ ହେଲେ ପ୍ରାୟ ୧୫୦ ବର୍ଷ ଅପେକ୍ଷା କରିବାକୁ ପଡିବ । ଗ୍ରୀନ କାର୍ଡ ପାଇଲେ ବିଦେଶୀମାନେ ଆମେରିକାରେ ସ୍ଥାୟୀ ଭାବେ ରହି କାମ କରିପାରିବେ ।