ଭାରତରେ ନୂତନ ରୂପାନ୍ତରିତ କରୋନା ଭୂତାଣୁ ସଂକ୍ରମିତଙ୍କ ସଂଖ୍ୟା ୩୮ ହେଲା
ନୂଆଦିଲ୍ଲୀ: ବ୍ରିଟେନରେ ଦେଖା ଦେଇଥିବା ନୂତନ ରୂପାନ୍ତରିତ ଜିନୋମ ଦ୍ଵାରା ମୋଟ ୩୮ଟି ନମୁନା ସଂକ୍ରମିତ ବୋଲି ଜଣାପଡିଛି । ନିମହାନ୍ସ ବେଙ୍ଗାଲୁରୁରୁ ୧୦ଟି, ସିସିଏମବି ହାଇଦ୍ରାବାଦରୁ ୩ଟି, ଏନଆଇଭି ପୁଣେରୁ ୫ଟି, ଆଇଜିଆଇବି ଦିଲ୍ଲୀରୁ ୧୧ଟି, ଏନସିଡିସି ନୂଆଦିଲ୍ଲୀରୁ ୮ଟି ଏବଂ ଏନସିବିଜି କୋଲକାତାରୁ ଗୋଟିଏ ନମୁନା ନୂତନ ବ୍ରିଟେନ୍ ଷ୍ଟ୍ରେନ ଦ୍ବାରା ସଂକ୍ରମିତ ବୋଲି ସୂଚନା ମିଳିଛି । ବେଙ୍ଗାଲୁରୁର ଏନସିବିଏସଓ ଇନଷ୍ଟେମ, ହାଇଦ୍ରାବାଦର ସିଡିଏଫଡି, ଭୁବନେଶ୍ୱର ଆଇଏଲଏସ ଏବଂ ପୁଣେର ଏନସିସିରେ ପରୀକ୍ଷିତ ନମୁନାରୁ ଏ ପର୍ଯ୍ୟନ୍ତ କୌଣସି ବ୍ରିଟେନର ମ୍ୟୁଟାଣ୍ଟ ଭୂତାଣୁ ମିଳିନାହିଁ ।
୧୦ଟି ଇନସାକଗ୍ ଲ୍ୟାବରେ (ଏନଆଇବିଏମଜି କୋଲକାତା, ଆଇଏଲଏସ ଭୁବନେଶ୍ୱର, ଏନଆଇଭି ଏବଂ ଏନସିସିଏସ ପୁଣେ, ସିସିଏମବି ଏବଂ ସିଡିଏଫଡି ହାଇଦ୍ରାବାଦ, ଇନଷ୍ଟେମ ଏବଂ ନିମହାନ୍ସ ବେଙ୍ଗାଲୁରୁ, ଆଇଜିଆଇବି ଏବଂ ଏନସିଡିସି ଦିଲ୍ଲୀରେ) ପଜିଟିଭ ନମୁନା ପରୀକ୍ଷା କରାଯାଉଛି ।
ଏହି ସମସ୍ତ ବ୍ୟକ୍ତିଙ୍କୁ ସଂପୃକ୍ତ ରାଜ୍ୟ ସରକାରଙ୍କ ଦ୍ୱାରା ନିର୍ମିତ ସ୍ୱାସ୍ଥ୍ୟସେବା ସୁଧାର କେନ୍ଦ୍ରରେ ଏକକ କୋଠରୀରେ ରଖାଯାଇଛି । ସେମାନଙ୍କର ଘନିଷ୍ଠ ସମ୍ପର୍କୀୟଙ୍କୁ ମଧ୍ୟ କ୍ଵାରେଣ୍ଟିରେ ରଖାଯାଇଛି । ସହ-ଯାତ୍ରୀ, ପାରିବାରିକ ସମ୍ପର୍କ ଏବଂ ଅନ୍ୟମାନଙ୍କ ସହିତ ବିସ୍ତୃତ ଯୋଗାଯୋଗ ଏବଂ ଅନୁସନ୍ଧାନ କାର୍ଯ୍ୟ ଆରମ୍ଭ କରାଯାଇଛି । ଅନ୍ୟ ଏକ ନମୁନା ପାଇଁ ଏକ ଜିନୋମ ସିରିଜ ଉପରେ କାର୍ଯ୍ୟ ମଧ୍ୟ ଚାଲିଛି ।
