କରୋନଭାଇରସ୍ ସଙ୍କଟ: ସାମୟିକ ଭାବେ ୨୮ ହଜାର କର୍ମଚାରୀଙ୍କୁ କାର୍ଯ୍ୟରୁ ଅନ୍ତର କଲା ବ୍ରିଟିସ୍ ଏୟାରୱେଜ୍
ଲଣ୍ଡନ: କରୋନାଭାଇରସ୍ ସଂକଟ ଯୋଗୁଁ ବିମାନ ଚଳାଚଳରେ ବ୍ୟାଘାତ ସୃଷ୍ଟି ହେବା କାରଣରୁ ବ୍ରିଟିସ୍ ଏୟାରୱେଜ୍ ସାମୟିକ ଭାବେ ୨୮, ୦୦୦ କର୍ମଚାରୀଙ୍କୁ କାର୍ଯ୍ୟରୁ ଅନ୍ତର କରିଥିବା କଥା ଗୁରୁବାର ଦିନ ବାଣିଜ୍ୟସଂଘ “ୟୁନାଇଟ୍’ ଘୋଷଣା କରିଛି ।
Sambad is now on WhatsApp
Join and get latest news updates delivered to you via WhatsApp
ବ୍ରିଟିସ୍ ଏୟାରୱେଜର ହଜାର ହଜାର କର୍ମଚାରୀଙ୍କ ପ୍ରତିନିଧିତ୍ୱ କରୁଥିବା “ୟୁନାଇଟ୍’ କହିଛି ଯେ ସେ କମ୍ପାନି ସହ ଏକ ରାଜିନାମା କରିଛି । ସରକାରଙ୍କ ବ୍ୟବସାୟ କାର୍ଯ୍ୟକ୍ରମକୁ ସମର୍ଥନ କରିଥିବାରୁ ସେହି ସମ୍ପୃକ୍ତ ୨୮୦୦୦ କର୍ମଚାରୀଙ୍କୁ ୮୦% ବେତନ ମିଳିବ । ଏହି ସଙ୍କଟଜନକସ୍ଥିତିରେ ସରକାରୀ ଯୋଜନା ଅନୁସାରେ ସେମାନଙ୍କୁ ମିଳୁଥିବା ଅନ୍ୟାନ୍ୟ ମାସିକ ଉପାର୍ଜନ ଉପରେ କୌଣସି କଟକଣା ଲାଗୁ ହେବନାହିଁ ।
ଏଠାରେ ଉଲ୍ଲେଖଯୋଗ୍ୟ କି, କରୋନାଭାଇସ୍ ସଂକ୍ରମଣ ଯୋଗୁଁ ସମଗ୍ର ବିଶ୍ୱର ଅଧିକାଂଶ ଦେଶ ବିମାନ ଉଡ଼ାଣ ଉପରେ କଟକଣା ଜାରି କରିଛନ୍ତି । ତେଣୁ ବିଶ୍ୱବ୍ୟାପୀ ହଜାର ହଜାର ବିମାନ ଉଡ଼ାଣ ବାତିଲ କରିଛନ୍ତି । ଏଥିଯୋଗୁଁ ବିଶେଷକରି, ଚୀନ୍ ଓ ଇଟାଲିକୁ ଆଦୌ ଯାତ୍ରୀବାହୀ ବିମାନ ଚଳାଚଳ କରୁନାହିଁ ।