ଭଉଣୀ ଇଶାଙ୍କ ନିର୍ବନ୍ଧରେ ଭାବପ୍ରବଣ ହୋଇପଡ଼ିଲେ ଆକାଶ ଓ ଅନନ୍ତ ଅମ୍ବାନି, କହିଲେ ଏହି ସବୁ କଥା
ନୂଆଦିଲ୍ଲୀ : ସୋମବାର ନିଜର ଦୀର୍ଘ ଦିନର ବନ୍ଧୁଙ୍କ ସହ ନିର୍ବନ୍ଧ କରିଥିଲେ ରିଲାଏନ୍ସ ଇଣ୍ଡଷ୍ଟ୍ରି ଲିମିଟେଡ଼ର ଅଧ୍ୟକ୍ଷ ମୁକେଶ ଅମ୍ବାନିଙ୍କ ଝିଅ ଇଶା । ପିରାମଲ ଏଣ୍ଟରପ୍ରାଇଜେସ୍ର କାର୍ଯ୍ୟନିର୍ବାହୀ ନିର୍ଦ୍ଦେଶକ ଆନନ୍ଦ ପିରାମଲ ତାଙ୍କୁ ବିବାହର ପ୍ରସ୍ତାବ ଦେବା ପରେ ଦୁଇ ପରିବାରର ସହମତିରେ ଏହି ନିର୍ବନ୍ଧ କରାଯାଇଥିଲା । ଅମ୍ବାନି ପରିବାରର ଏହି ଖୁସିରେ ସାମିଲ ହୋଇଥିଲେ ଅନେକ ବଲିଉଡ୍ କଳାକାର ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ଇଶାଙ୍କ ସହ ମା’ ନୀତା ଅମ୍ବାନିଙ୍କ ନାଚର ଭିଡ଼ିଓ ଭାଇରାଲ ହୋଇଥିବା ବେଳେ ଏବେ ଦୁଇ ଭାଇ ଆକାଶ ଏବଂ ଅନନ୍ତ ଅମ୍ବାନିଙ୍କର ଏକ ଭାବପ୍ରବଣ ଭିଡ଼ିଓ ଭାଇରାଲ ହୋଇଛି । ଯେଉଁ ଭିଡିଓରେ ସେମାନେ ତାଙ୍କ ଭଉଣୀ ଇଶାଙ୍କ ପାଇଁ କିଛି ମିଠା କଥା କହୁଥିବାରୁ ଦେଖିବାକୁ ମିଳିଛି । ନିର୍ବନ୍ଧ ଦିନ ଅନନ୍ତ ଏବଂ ଆକାଶ ଇଶାଙ୍କ ସହ ବିତାଇଥିବା ସମୟ ବିଷୟରେ କହି ଭାବପ୍ରବଣ ହୋଇ ଯାଇଥିଲେ । ତିନି ଭାଇଭଉଣୀଙ୍କ ମଧ୍ୟରେ ଥିବା ସଂପର୍କ ଏବଂ ଏକା ସାଙ୍ଗରେ ବିତାଇଥିବା ମୁହୂର୍ତ୍ତକୁ ମନେ ପକାଇ ଦୁଇ ଭାଇ ବକ୍ତବ୍ୟ ରଖିଥିଲେ, ଏହାକୁ ଶୁଣିବା ପରେ ତିନିଭାଇ ଭଉଣୀ ଭାବୁକ ହୋଇ ପଡ଼ିଥିଲେ ।
ସୂଚନା ମୁତାବକ, ଆକାଶ ଏବଂ ଶ୍ଲୋକାଙ୍କ ବିବାହ ଡ଼ିସେମ୍ବରରେ ହେବ ବୋଲି ସ୍ଥିର କରାଯାଇଥିବା ବେଳେ ଇଶା ଏବଂ ଆନନ୍ଦଙ୍କ ବିବାହ ମଧ୍ୟ ସେହି ଡ଼ିସେମ୍ବରରେ ହେବ ବୋଲି ଜଣାପଡ଼ିଛି । ସବୁଥର ଭଳି ଏଥର ମଧ୍ୟ ଇଶାଙ୍କ ନିର୍ବନ୍ଧ ପରେ ଅମ୍ବାନି ପରିବାର ଏବଂ ପିରାମଲ ପରିବାର ସିଦ୍ଧିବିନାୟକ ମନ୍ଦିର,ଇସ୍କନ ମନ୍ଦର, ଗିର୍ଗାଓଁ ଯାଇ ଦର୍ଶନ କରିଥିଲେ।