ନୂଆଦିଲ୍ଲୀ: ଅପରେସନ ସିନ୍ଦୂରର ଶକ୍ତ ପ୍ରହାର ପରେ ଏବେ ପ୍ରତିକ୍ଷଣରେ ଡରୁଛି ପାକିସ୍ତାନ । ଭାରତର ନାଁ ଶୁଣି ଭୟରେ ଥରୁଛି । ତେଣୁ ଭାରତ ସହ କୌଣସି ପରିସ୍ଥିତିରେ ପଙ୍ଗା ନେବାକୁ ଛାହୁଁନି ପାକିସ୍ତାନ କି ସମ୍ପର୍କ ପୁଣି ଥରେ ବିଗାଡିବାକୁ ଚାହୁଁନି । ଯଦିଓ ପାକିସ୍ତାନର ସ୍ବଭାବ ବଦଳିବନି ବୋଲି ସମସ୍ତଙ୍କୁ ଭଲରେ ଜଣାଅଛି, ନୀଳବର୍ଣ୍ଣ ଶୃଗାଳ ପରି ସକାଳେ ଭଲ ହୋଇ ରାତିରେ ସୈତାନ ହେବାର ଉଦାହରଣ ଭାରତ ପୂର୍ବରୁ ଦେଖି ସାରିଛି । ତଥାପି ଭାରତ ପହଲଗାମ୍ ପ୍ରତିଶୋଧ ନେବାକୁ ଏମିତି ପାନେ ଦେଇଛି ଯେ ପାକିସ୍ତାନ କାଳକାଳକୁ ମନେ ରଖିଥିବ । ତେଣୁ ଭାରତ କଥା ଶୁଣିଲା ବେଳକୁ ପଟପଟ ଥରୁଥିବା ପାକିସ୍ତାନ ଭାରତ ସହ ଏବେର ପରିସ୍ଥିତିରେ କୌଣସି ବି ଭୂଲଭଟକା କରିବାକୁ ଚାହୁଁନି । ଯାହାର ବଡ଼ ଉଦାହରଣ ପାକିସ୍ତାନରେ ଅଟକ ଥିବା ବିଏସଏଫ ଯବାନଙ୍କ ଘରବାହୁଡ଼ା । ଭାରତର ଆକ୍ସନ ଆଉ ଅସ୍ତ୍ରବିରତି ପରେ ପାକିସ୍ତାନ ବିଏସଏଫ ଯବାନଙ୍କୁ ଛାଡ଼ିଛି । ବିଏସଏଫ ଯବାନ ପୂର୍ଣ୍ଣମ୍ କୁମାର ସ’ଙ୍କୁ ଭାରତକୁ ହସ୍ତାନ୍ତର କରି ପାକିସ୍ତାନ । ଅଟାରୀ ବର୍ଡର ଦେଇ ଭାରତ ଫେରିଛନ୍ତି ବିଏସଏଫ ଯବାନ ପୂର୍ଣ୍ଣମ୍ କୁମାର ।
Today BSF Jawan Purnam Kumar Shaw, who had been in the custody of Pakistan Rangers since 23 April 2025, was handed over to India: BSF
— ANI (@ANI) May 14, 2025
Constable Purnam Kumar Shaw had inadvertently crossed over to Pakistan territory, while on operational duty in area of Ferozepur sector on 23rd… pic.twitter.com/PnHB6wl69V
ପଞ୍ଜାବ ଫିରୋଜପୁର ସେକ୍ଟରରେ ମୁତୟନ ଥିବା ବିଏସଏଫ ଯବାନ ପୂର୍ଣ୍ଣମ୍ କୁମାର ୨୩ ଏପ୍ରିଲରେ ଭୁଲ ବଶତଃ ପାକିସ୍ତାନ ସୀମା ଅତିକ୍ରମ କରିଥିବାରୁ ତାଙ୍କୁ ଅଟକ ରଖିଥିଲା ପାକିସ୍ତାନ । ୨୩ ଅର୍ଥାତ ପହଲଗାମ୍ ହମଲା ପର ଦିନ ତାଙ୍କୁ ପାକିସ୍ତାନ ରେଞ୍ଜର ଅଟକ ରଖିଥିଲେ । ପହଲଗାମ୍ ପ୍ରତିଶୋଧ ନେବାକୁ ଭାରତ ପଣ କରିଥିବା ବେଳେ ଏହି ସମୟରେ ହିଁ ଯବାନଙ୍କୁ ଅଟକ ରଖି ପାକିସ୍ତାନ ଭାରତକୁ ଚାପ ପକାଇବାକୁ ଭାବୁଥିବା ବେଳେ ଭାରତ କିନ୍ତୁ ଅପରେସନ ସିନ୍ଦୂର ଜରିଆରେ ପାକିସ୍ତାନର ଅଣ୍ଟା ଭାଙ୍ଗିଦେଲା । କୂଟନୈତିକ ସ୍ତରରେ ଚାପ ଏବଂ ସିଧାସଳକ ଆକ୍ରମଣ କରି ପାକିସ୍ତାନକୁ ପଙ୍ଗୁ କରିଦୋ । ଆଉ ପରେ ବାଧ୍ୟ ହୋଇ ସ୍ଥିତି ସୁଧାରିବାକୁ ଯେବେ ପାକିସ୍ତାନ ମୁଣ୍ଡନୁଆଁଇଲା ସେବେ ଭାରତ ଅସ୍ତ୍ରବିରତି ପାଇଁ ସହମତି ପ୍ରକାଶ କଲା । ଆଉ ଅସ୍ତ୍ରବିରତି ପରେ ପରେ ହିଁ ଯବାନଙ୍କୁ ଅଟକ ରଖିବାର ୨୧ଦିନ ପରେ ଶେଷରେ ତାଙ୍କୁ ଛାଡିଛି ପାକିସ୍ତାନ । ତେଣୁ ସଂକ୍ଷେପରେ ଏତିକି କୁହାଯାଇପାରେ, ପାକିସ୍ତାନ ଛାତିରେ ଭାରତ ପାଇଁ ଏ ଡର ରହିବା ଭଲ...
#WATCH | Punjab: Visuals from Attari Border, as BSF jawan Purnam Kumar Shaw returns to India.
— ANI (@ANI) May 14, 2025
Constable Purnam Kumar Shaw had inadvertently crossed over to Pakistan territory, while on operational duty in area of Ferozepur sector on 23rd April 2025 and detained by Pakistan… pic.twitter.com/YvADn9STKg
ପୂର୍ବରୁ ୨୦୧୯ରେ ୱିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କୁ ମଧ୍ୟ ପାକିସ୍ତାନ ଛାଡିଥିଲା । ପାକିସ୍ତାନ ସୀମାରେ ଖସିପଡ଼ିବା ପରେ ତାଙ୍କୁ ଅଟକ ରଖିଥିଲା ପାକିସ୍ତାନ । ପରେ ଭାରତର ଚାପ ଓ କୂଟନୈତିକ ଚାଲ ଆଗରେ ହାର ମାନି ବାୟୁବୀର ଅଭିନନ୍ଦନ ବର୍ଦ୍ଧମାନଙ୍କୁ ଭାରତକୁ ହସ୍ତାନ୍ତର କରିଥିଲା ପାକିସ୍ତାନ । ଆଉ ଏବେ ବିଏସଏଫ ଯବାନ ପୂର୍ଣ୍ଣମ୍ କୁମାର ସଙ୍କୁ ମଧ୍ୟ ଛାଡିଛି ପାକିସ୍ତାନ ।